وليدي سامحني وعلي لا گلبك يعاتب
شبيدي يايمه وزماني اويه الفرح ناشب
دمك الحاضر ياويلي ودمعي الغايب
آه يالولد آه يالولد آه يالولد...جسام
تترمل وعدها ابن.. تصبر على رباه وتـﭼن
تانيتك بحلم العرس.. ونبدل اثياب الحزن
آه يالولد آه يالولد آه يالولد...جسام
كبرت غلاتك باليتم.. مابدله ظفرك بالنجم
مو شاب أنا مربيه حلم..خاطر يتيم وفرحته.. ابجي فرح من تبتسم
وين اودي احلام روحي العايشتها ويه الزمن
داري من دونك غريبه شلون واحنه بلا وطن
الهاضمتني العنده مثلك بالكرم معروف ابو
مو بهيمه يصير عرسه عگب ديوان الحسن
آه يالولد آه يالولد آه يالولد...جسام
جان امنيتي اعيش اليوم ماشوفك
تمر عليه وگايد ابنك يمه بجفوفك
ليش ماكمل شبابك ليه معروفك
آه يالولد آه يالولد آه يالولد...جسام
تبسملي فدوه لوجنتك.. مشتاگه آنه اسمع ضحكتك
لا ياحبيبي فدوه الك.. آنه وسنيني الربتك
آه يالولد آه يالولد آه يالولد... جسام
جم لحظه ويحل الفجر.. لا تغفه ياروحي انتظر
ارداصفن بعينك عمر..وحدنه والخيمه انجوت وداع الابن للام جمر
لخاطري البس ثوب عرسك.. ساعه وحده وبس الك
صوره اضمنها بعيوني.. وهذا حلمي العشته لك
واشمر الياس امن ادينك واللزم الصارم بعد
معرس ايضوگها دمه شرايده اكثر كربلا
آه يالولد آه يالولد آه يالولد...جسام
لونها الباهت الك ما لايگه الحنه.. بدمك القاني ردت يوليدي تتحنه.. يارمد عين الحرب اليوصل الك فنه
آه يالولد آه يالولد آه يالولد...جسام
هلهوله وبطور الحزن.. عريس أنه مودعه وابن
مامر مثيله بكربلا.. ورادت تضم هذا الحسن
آه يالولد آه يالولد آه يالولد...جسام
تجفيها صينية العرس.. ولعمك اركض بالنفس
يافارس وماتنفرس..رايدته يرجع للخيم
ثوبه بشبابك منترس
روحله وبيك ابتسامه فارس يعز منظره
خاف ما يرضه لشبابك يمه تكسر خاطره
گله لك ودتني امي تگول مااملك سوه
جفي وابني ودمع عيني ولغربتك منحره
آه يالولد آه يالولد آه يالولد...جسام
اداء : محمد باقر الخاقاني
كلمات : سيد انور الموسوي
الهندسه الصوتيه والتوزيع : احمد البرمكي
التصوير : حسينية وموكب غريب طوس
المونتاج : علي الاسدي
الاخراج : جراح الحسيني
تعليقات
إرسال تعليق