القصيدة: عرسك ما دام
أداء: محمد باقر الخاقاني
كلمات: أحمد الهلباوي
~~
يحسين يحسين يحسين يحسين
~~~
آه يا جسام .. عرسك ما دام
ابجي الدمعه وتبجيني
رايح وين مخليني
باگوا عرسك من عيني
.. وما ترضه اتنام
بدموع الحب ربيتك
تكفلني شگد تانيتك
واكبر وانه بفي بيتك
.. واحسب ايام
للباب عيوني ربيه
ما بيه اجي محنيه
وعله الهجر ما بيه
مسبيه منا لشام
يفت الصخر حالي هيج العرس تالي
يذبح ضوه الغالي بنار اخيام
خنگت شمع بيه الياس وصوانيه
والحنه بيديه بس اوهام
يوليدي تروح .. وتعوف الروح
بالخيمه اتدور .. متروسه جروح
~~
يبني اترجاك .. تاخذني وياك
ما احمل نار افراگك
امك واكبر عشاگك
كل لحضه اتمر اشتاگك
.. واعشگ طرواك
جبت اثيابك تدريني
گوم البسها وراويني
طولك يا شمعة عيني
.. گوم اترجاك
نايم يسمعي وشوفي
عايف حنان جفوفي
تالي العمر يا خوفي
بطفوفي مذبوح الگاك
فگد الإبن ثاري يشعل جمر ناري
ويطفه ضوه داري هنا وهناك
فگدك اخذ حيلي وطول سهر ليلي
من عدهه يا ويلي نار اجفاك
طيفك ما شال .. حالي اصعب حال
محروگه اخيام .. ومگلوبه ادلال
~~~
لا وين اندار .. انظر تذكار
عطرك ضحكات عيونك
شعرك يبني اعله امتونك
يبني الغالي ومن دونك
.. ما اطب للدار
جانوا بيك يحسدوني
رايح يا بعد عيوني
وبيك اتحسر خلوني
.. عرسك ما صار
رايح يبعد انفاسي
واهلي وعمامي وناسي
عگبك يشيلة راسي
ونوماسي اتعب واحتار
گلبي ابتله بضيمه عرسك صفه بهيمه
شمعك جمر خيمه شبت نار
ناري شيطفيها هيمه ونمت بيها
عالغبره تاليها عرسك صار
حسراتي بخور .. ودموعي انذور
عريس الموت .. عرسه بعاشور
~~~
عگبك يا حيد .. سافرت بعيد
عالنوگ انه وعماتك
تنزف دمع قراياتك
تسلبنه وثارك فاتك
.. يا دامي الجيد
ذن علويات الهادي
راحن من وادي الوادي
ملتفه احبال الحادي
.. من ايد الايد
ظل عمك بدم نحره
ما يمه بس الزهره
تنظر لابنها وتقره
بالحسره عريان وحيد
عمك گمر هاشم ظل عالنهر نايم
ودمعاتي يالقاسم حاشه اتهيد
واخت الگمر صارت فوگ الهزل دارت
بدرب السبي احتارت دون عضيد
دمعات اعتاب .. وعيون اجناب
من بيت البيت .. ومن باب الباب
°°°°°°°°°°°°°°°°°°°°°°°°°°°°°°°°
تعليقات
إرسال تعليق