بسم حسين | الرادود حاتم العبدالله | 1443هـ
بأسم حسين
بأسم حسين مجراها و مرساها مجالسنه
الخاطر خنصره المگطوع ما نلبس محابسنه
_________
بأسم حسين نبديها هذا العام خدمتنه
خدام ويطيح الكون ولا متطيح رايتنه
حسين احترگت اخيامه لكن صار خيمتنه
مسلوب وستر صاير أعلينه ودوم حارسنه
_______
شعلينه بحجي الوادم خل شما حجو يحجون
بس صوت النحر مسموع الما يرضون لا يرضون
اصوات النشاز اليوم تسكت واليسولف جون
ويسولف عشگ عابس ونمزگ ملا بسنه
________
تره إيَابُ الخدم لحسين وحساب والخدم يمه
وعلى قيد الحسين انعيش وحق الخنصر ودمه
نعمه وداعت العباس خدام الابو اليمه
ولعرش الله من انصيح يوصل بالعزاء حسنه
_________
نلطم عالصدر بجفوف حسين الحافر بصدره
جم ظلع بظلع مكسور خيل الداسته عشره
تطشر جسمه فوگ الكاع گطعو سبحة الزهره
من نبجي المصابه أملاك ما تگدر تنافسنه
__________
غالي والنفيس ايهون للغالي الشرانه ابدم
أشمحلاه التعب لحسين بالرايات نتحزم
على طول السنه ميتين نعدل من يجي محرم
نركض ركضة اطويريج على المنبر بواهسنه
___________
حب حسين يجمعنه وجمعتها الخدم حلوه
الدنيه ابلا عزاء حسين والعباس ما. تسوه
نحب امرورة الاحزان شما تكثر طعم كهوه
خدام وابو فاضل بجفه ايصطره اليمسنه
________
الخادم
#الإمام_الحسين_عليه_السلام مجلس استقبال عاشوراء الإمام الحسين عليه السلام | 30_12_1443هـ الرادود الحسيني #حاتم_العبدالله الشاعر : أبو يحيى المسعراوي القصيدة : بسم حسين #مجلس_الغدير_بتاروت حسينية كريم أهل البيت عليهم السلام
تعليقات
إرسال تعليق