الوداع الوداع....يا حبيبي حُسين
ليل الموادع أريده كون ما يطلع صباحه
هيه بس هالليلة عدنه باجر يجينه بجراحه
أرد أودعكم يخوتي براحة و أعرف ما كو راحه
خلي أملي عيني بيكم و الصبح صبح المناحه
عيني ما ترمش عسنها و أدري هالليلة قصيرة
راسك البيه نور الله عالرمح باجر مصيره
و صدرك البيه دمعة أمي ينفرش باجر حصيرة
ثغرك الكله ابتسامه ينجوي بحر الظهيرة
ويلي يبن أمي دخيلك بالله هالخاتم انزعه
خنصرك خالي أريده بلكي ما واحد يقطعه
جسمك اتنثره الحوافر خويه مدري اشلون أجمعك
بالله خويه انطيني خل أشمه و خل أودعك
عينك بعيني دخلها و لا تباوع بس إليه
أعرف اشرايد توصي لا توصيني برقية
باجر ابيا حال أشوفك قلي لا تخفي عليه
من يحز الشمر نحرك هم تجي أمنه الزجية
شفنه عبدالله الوداعك يرفض و هذي عجيبة
هالطفل يرفض يودعك ما قبل يمك نجيبه
اتحيرت يا خويه و أشعر هالطفل يحمل مصيبة
أعتقد عالنهر قبلك ينتهي و يقطع نحيبه
كلمات الشاعر
السيد عبد الخالق المحنه
تعليقات
إرسال تعليق