ياملك عصرك. جيت اشد ازرك
من شفت صدرك. خالي من نحرك
عظم الله اجرك
نسيت اقلك عن وضع زينب
خيمتها مثلك للفرس ملعب
عظم الله اجرك
واضح نار بليل. ابنك شفاقد
بعينه الشامت شاف. كسرة الوالد
فوق اخدوده جروح. للعتب شاهد
واسمع عتابه
راح وياك النور. والشمس راحت
عاش بروحي الموت. روحك ارتاحت
صوت غيابك صاح. خيمتك طاحت
بويه يايابـه
احجي لو اسمعك.. ابجي لو اجمعك
حيره من وضعك. سيف المقطعك
قاسي وي ضلعك
شو حتى ثوبك منك تسلب
نسيت اقلك عن وضع زينب
عظم الله اجرك
هاك عيوني وشوف بيهن شحالك
شوف اثار احجار قسم اوصالك
وما ضل غير الليل يستر اعيالك
وآنا تدريني
شايل ناري ونار جمرة اوداعك
يامن خير الناس من ثمر قاعك
ليش بلا معروف كسروا اضلاعك
من عمت عيني
قلبي سد عينك. بيني مابينك
ذبحوا حسينك. عشرة سنينك
ياصبر وينك
هضيمه وجهك دامي ومترب
نسيت اقلك عن وضع زينب
عظم الله اجرك
مات الماي الجان يشبه اوصافك
شاف ارماح وجيش طحنن اطرافك
عاف اجروفه وراد يوصل شفافك
ومنعته اجروفه
ذاك الجود ابعيد عايف امتونه
نار ادموعه تسيل من يضربونه
ساقي اوردك مات شوفه بعيونه
وماتن اجفوفه
قطره من ضفتك ردنه حق بنتك
ويلي من شفتك تجري دم شفتك
حتى من عفتك
ياضامي منك جم نهر يشرب
نسيت اقلك عن وضع زينب
عظم الله اجرك
خيامك لون ارماد هذا باقيها
خوف وخيل وجيش عسكروا بيها
شوق اطفالك نار من يطفيها
حرقت ازغارك
هاي تخاف تريد تختل بروحك
ذيج تريد تروح تمسح جروحك
شافن يوكع وين سهم اليلوحك
عرفن اخبارك
دربي لو دربك. قلي شمتعبك
انت مو ذنبك. سهم البقلبك
يجرح الحبك
خليني ويه روحك اتعذب
نسيت اقلك عن وضع زينب
عظم الله اجرك
يامن دوس الخيل كاسر احساسك
صوت اعضامك جان يوصل الناسك
صاحوا واويلاه عالقطع راسك
والهم ايديره
داروا شوف العين وجهة الكافل
نادوا ياعباس وين ابو فاضل
مايسمع مذبوح والعلم مايل
ذبحو الغيره
هذا ابو الخوه. الغيره والنخوه
نهر المروه. منه يتروه
جنه مو هوه
ذاكَ الخصومه مالقو مهرب
نسيت اقلك عن وضع زينب
عظم الله اجرك
باجر فوق النوق نعبر الوادي
هذا يطيح وذاك ياعلي ينادي
قاطع راسك صار بالضعن حادي
دنيا دواره
آنا وزينب راح نمشي بضعونك
مايثنونه اعداك وداعة عيونك
لكن بينه شلون من يشتمونك
روحي محتاره
صبري من جدي. وعلمه هم عندي
شده وتعدي. وانتظر وحدي
بـطلعة المهدي
ثارك اساساً غاية المطلب
نسيت اقلك عن وضع زينب
عظم الله اجرك
قصيدة [ ملك عصرك ]
أداء: الحاج باسم الكربلائي
كلمات: الشاعر أحمد الذهبي
التوزيع : ميشال فاضل
الهندسة الصوتية : EDOUARD MEUNIER
إخراج محمد عادل البلوشي
تعليقات
إرسال تعليق