التخطي إلى المحتوى الرئيسي

أربع جفوف - الملا محمد بوجبارة_كلمات مكتوبة


 



اِشْماخذه من عندي يا گاع الطفوف
باتْره من اِخْوِتي أربع چُفوف 
ابعيني شفتها امگطّعه .. بين الخيَم و المشرعه
ــــــــــــــــــــــــــــــــــــــــــــــــــــــــــــــــــ
آنه زينب گلبي بس اِجروح شايل
بين أبو السّجاد أسعي اْو أبو فاضِل

هذا مرمي اعله الفرات .. ذاك مرمي اعله التُراب 
اچفوف هذا امگطَّعات .. او ذاك مسلوب الثياب

أشتكيله .. گلْت أروحن للشريعه .. و أشتكيله
اشلون أشيله .. و اهو چفّينه گطيعه .. اشلون أشيله

إله مدّيت إيدي لاچَن ما يفيد
اشلون يلزم إيدي و اهُوَه ابلايه إيد
او نظرات عيني اموزّعه .. بين الخيَم و المشرعه
ــــــــــــــــــــــــــــــــــــــــــــــــــــــــــــــــــ
وگفة الكافِل جِزَت حدِّ الرُجوله
اتستَّروْا خلْف النَّخل يَـ لّله اگدروله !
طاحت الچفْ اليمين .. و أخذ بيْساره الفَقار
او [ كَمَنَ لَهُ لَعِين ] .. و گطَع من عنده اليِسار

ما يِهِدها .. رايته ابگطعة ازنوده .. ما يهدها
ما يِردها .. ابلايَه چف ضربة عَموده .. ما يِرِدها

مثل أبو فاضل تلاگي مستحيل !
طاحت إيده او قابض اعلْه الرايه حيل
او ظلِّت الجثّه امبضعَّه .. بين الخيَم و المشرعه

ــــــــــــــــــــــــــــــــــــــــــــــــــــــــــــــــــــــــــــــــــ

ارْجَعِت يمِّ احِسين بوْنين اْو صوايِح
و ابطريقي الگيت چفِّ اِمْن إيده طايح

اتگرّبت يم الحُسين .. او شايله چفَّه الشِّمال
ثاري چفِّينه الثنين .. امگطّعه فوگ الرِّمال

من وريده .. شفِت دم ابْن امّي جاري .. من وريده
او إصبع إيده .. ضايع ابنُصِّ الصّحاري .. إصبع إيده

امحيَّره او وگْفِتي يم چفَّه تُطُول
اشلون ألگه خنصره بين الخيُول
و الخيل جالت مسْرِعه .. بين الخيَم و المشرعه

ــــــــــــــــــــــــــــــــــــــــــــــــــــــــــــــــــ
اوْصَلِت يمّه او شحچي و أدري الحچي قاسي
ابفعلة الجَمَّال تِنْدَك الرَّواسي

جرّد الخنجَر بِديْه .. او يگصر الساني شگول !
راد يتجاسر عليه .. اگبال عين أمَّه البُتول

قاسي گلبه .. مثل ظُلمة ليل حالِك .. قاسي گلبه
راد سَلْبَه .. شافه عاري او رغم ذلِك .. راد سَلْبه !

مدري أبچي اعْله الچفوف العالفُراتْ
لو عله اللّي امْن أجِل ثوب امبتّراتْ
و انشمَرِت اچفوف أربعه .. بين الخيَم و المشرعه

ــــــــــــــــــــــــــــــــــــــــــــــــــــــــــــــــــــــــــــــــ

الكعبه بيها أربع أركان الربَّعَتها
و آنه كعبه اچفوف أخُوتي الرافعتها

تالي هالأربع چفوف .. عفّروها بالهَجير
و أنا گمْت اِعْليها اطوف .. و ابكترهم أستجير

الطيحه هاذي .. طيِّحَت هيبة دَلالي .. الطيحه هاذي
اْو يا مَلاذي .. ابلا ملاذ أصبَحِت تالي .. يا مَلاذي

اعْله الچفوف الأربعه ابحزني أدُور
او للمخيم أرجَعِ اِمْنشره الشُعُور
او منّي الجِدَم بالهَم سِعه .. بين الخيَم و المشرعه
ـــــــــــــــــــــــ

ميرزا عادل أشكناني


[ أربع جفوف ] ‎أداء الملا #محمد_بوجبارة ‎كلمات الشاعر ميرزا #عادل_اشكناني ‎مخطوطة - عباس فاضل ‎مكساج - حسين نجم ‎مونتاج - حبيب بوحمد ليلة 7 محرم الحرام 1444 هـ - 2022 م ‎#حسينية_سيد_الشهداء - دولة الكويت

تعليقات

المشاركات الشائعة من هذه المدونة

مجانينه | محمد الجنامي كلمات مكتوبة

  القصيدة: مَجَانِيْنَهْ الرادود: مُحَمَّد الجنَّامِيْ الشاعر: كرار حسين الكربلائي   ~~~~~~~~~~~~~~~~~~~~~~ مَجَانِيْنَهْ مَجَانِيْنَهْ يلايم بالله خلينه  ~~~~~~~~~~~~~~~~~~~~~~ عشگنه مو عشگ عابر عشگ ما صاير وداير على السحگوه بالحافر گلبنه معاشر ونينه رُفعنه بكل شِبر رايه لطم ودموع وقرايه   لأبو السجاد مشايه طريق الحُب يودينه ~~~~~~~~~~~~~~~~~~~~~~ خَدم عد باب أبو اليمه چبيرة عدنه هالنعمه البشر سُلطان بالخدمه أبو اليمه يعلينه عزيز الزهره منعوفه وحگ عبّاس و چفوفه كتبنه بالدمِه حروفه يعيش بكل نبض بينه العشگ ربالهم عِله تمنوا عنّه نِتخَله  أبد هيهات للذله نِموت اگبال والينه ~~~~~~~~~~~~~~~~~~~~~~ يَسِر حيرنه تَفسيره نِحبه ما نحب غيره نِعيش بنعمته وخيره فضل خيره يغطينه عله بإسمه مراتبنه فتحناله مواكبنه قليل لمنحره حبنه ابد ما يوم وفينه عُطشنه و هو روانه عِرنه و هو غطانه نجرحنه و هو داوانه و إذا تِهنه يدلينه ~~~~~~~~~~~~~~~~~~~~~~ رفعه راسه رُمح عالي و رفع روس للتالي چبير احسينه الغالي العبد يتباهة بحسينه تِظل دمعتنه سچابه على حسين و على مصابه نضيع و نِلتم ابابه علينه ابكل وكت عينه الحُسيني

ليالي الجروح | الملا محمد باقر الخاقاني - كلمات مكتوبة _هيئة الحسن المجتبى -العراق- الديوانية - محرم ١٤٤٤ هـ

  ليالي الجروح | الملا محمد باقر الخاقاني - هيئة الحسن المجتبى -العراق- الديوانية - محرم ١٤٤٤ هـ محمد باقر الخاقاني / Mohamad Baqer Alkhaqani ليالي الجرح رزقي بالدمع ما ينكطع نحيبي وسحابة هظم تمرني فطرتي. البجت. والكلب يون ناعي الحزن حبيبي وغربته وجع كسرني ياليالي الجروح هلي. واريد بمصاب خلي اضج بالنحيب اعيش انعى لخيام ڰلبه.. وعلى اسمه اليفوح غربه واموتن غريب امير الخدم اميري..وكعبة الشيم حسين ونعم الامير يعتني الالم واسمعه.. بعتبة الخيم ينادي الا من مجير ليالي الجروح..مشت بيه وين اضجن وانوح حبيبي حسين ********************** الا ياجرح عاشر الظما.. يافاطمه ارد انادي وابتدي باسمها نوحي علي تلتفت وانا باللطم.. جمرة هظم بديها تحطها بوسط جروحي وانا منطي مولاي كلمه.. ماعيشن بغير خدمه وادور رضاه بخدمته ادعي يزيد حضي.. ابواجي يدوم نبضي واعيش بهواه طويل الدرب.. يريد الگلبه يدي حب مروؤه وعلى الطف غيور حبيب الگلب سمحلي.. بهالعزاء اطب مواسي ورغم كل قصور للانطاني روح.. والانطاني عين اضجن وانوح.. حبيبي حسين حبيبي حسين....حبيبي حسين **************** ليالي الجرح منبع الشيم.. عند الخ

رد ياضماي الـرادود علي الوائلي كلمات مكتوبة

  📜قصيدة : رد ياضماي  🎤الرادود : علي الوائلي  🖋الشاعر : امجد الشغانبي  ~ رد يحسين بضعونك  المن رايح الكربله  الوادم مايحبونك من هسه استعد حرمله  ضعنكم موش مال اشموس  وين اتبات المدلله هم لوجاي الوحدك  المن جايب العايله  رد ياضماي .. عبدلله ماينطونه ماي كالولي جاي .. لاتجي ياكاسر گفاي  وين اتريد .. يتفرهد حلالك ياحلال الله  وين اتريد .. باجر تعثر وماتلگه السم الله  وين اتريد .. يردون بسهم للخيمه عبدلله  رايح .. خويه للذبح  رايح .. جابولك رمح  باجر .. تتمضحك زلم  رايح .. ماتلگه صبح  حسين اه . . حسين اه  ~~~ شوفت گلبك الوادم  بس انسان ماكو صدگ  يتلگونكم بالنار  تتلگاهم انته شبگ باجر ماتضل اخيام  تاكلهن اسنون الحرگ لو عالموت هم اتهون  بس الصاب اخويه سحگ رد يالحنين .. كربله وين وانته وين  ماتغفه عين .. هاي الخلگ ماعدها دين  باجر موت .. سهله الموت بس عكس الخلگ موتك  باجر موت .. الا من ناصراً  منها يبح صوتك  باجر موت .. حسافه الباريه يحسين تابوتك  رايح .. ماتلگه نعش  رايح .. خويه للعطش  باجر .. كلشي مايضل   رايح .. ياليل اهدعش حسين اه . . حسين اه ~~~ باجر حيره راح اتحير من اتوادع اعيون ال