محرم ١٤٤٤هـــ #نزال #زنجيل
من رد المهر سابح ابدمه
زینب سمعته وطلعت ابهمه
.........................
دگ رجله وغده بلراس یومی
های ادموم اخیچ مو ادمومی
یزینب گومی لحگی حسین گومی
عفته والسیوف اعلیه لمه
.........................
من ظهری وگع واجروحه کثره
واخاف من المثلث فات أمره
شعب گلبه وطلع من خرز ظهره
طاح اعله الارض والشمر یمه
........................
گبعت روحهه وللحومه راحت
آه اشلون خویه حسین صاحت
چم مره اعله وجه الگاع طاحت
ومن توگع تنادی اهنا ییمه
.........................
بس شلفایده من اوصلته
زینب والأمر فايت لگته
اویلی والشمر گاطع رگبته
اشلون اتحظنه واتحبه وتشمه
..............................
دارت للبغیع ابصوت عالی
تنادی ام الحسن یمی تعالی
یایمه بگیت ابغیر والی
راحو کل هلی وشملی اشیلمه
..............................
دارت للغری وصاحت یحیدر
احضر مثل ما للغیر تحضر
ادخیله یاعلی وحملی تگنطر
وکلهه اتصیح لحگینی یعمه
#الشاعر_الکبیر_عزیز_الفیصلي
تعليقات
إرسال تعليق