القصيدة: اطرح سؤالي
أداء: ماهر الكربلائي
كلمات: وسام الشويلي
~~
سؤال وينطرح جاوب يدهري
ابو فاضل بشر لو نهر يجري
العطاشه اتصيح نريد الماي
ويجي العباس عذب رواي
~~~
اطرح سؤالي واترك خيالي يدور الجواب
مثل العطاشه صبري تلاشه وحساسي ذاب
ليش الطفل وكت الضمه تحجيله أمه
وتگله عباس أعتنه وتذكرله اسمه
هو بشر لو لا نهر وجروفه رسمه
العطاشه بكربله كلها تريده
عطشهم ينتهي لو لزموا ايده
اعله هذا الحال .. صفنت هواي
ويجي العباس عذب رواي
~~~
ليش العقيله لمن تجيله فسرولي هاي
تمدله جربته ايردها اعله اخته مليانه ماي
معناها مو بالمشرعه الماي التريده
عباس ابو فاضل نهر مد الها ايده
من عنده غرفت واندعت الله يزيده
بكثر ما ينضح احساس ومحنه
ابو اليمه إذا يعطش يحضنه
بغيابه يصيح .. جمر بحشاي
ويجي العباس عذب رواي
~~~~
تلوج الضمايه للبيده رايه مو للفرات
يردونه كلهم بيد الكفلهم ماي الحياة
من كل طفل نسمع حجي ودموعه تهمي
مو جيبوا ماي حجايته جيبولي عمي
لا يمشي صوب المشرعه خل يبقه يمي
الرضيع البالمهد لمن يشوفه
ويحرك شفته ويرفع جفوفه
عليه الماي .. يحس بس جاي
ويجي العباس عذب رواي
°°°°°°°°°°°°°°°°°°°°°°°°°°°°°°°°
تعليقات
إرسال تعليق