عاد الزمن محمد الجنامي مكتوبة

 

عاد الزمن للعهد .. باجر اجي والوعد .. بالغاضرية

محتاج انه الصحبتك .. من ساندت وكفتك .. بالغاضرية

من الغدير لكربلة

ثارتي كلها مسجلة

بالغاضرية

.. ١ ..

سبعينك بسبعين الف .. متوازنه مو بس وصف .. عند المراجل

كل واحد نشوفه جبل .. لو شد على الحومة ونزل .. والمعركة تميل

من عابس وجون الفخر .. من دگوا الظهر بظهر .. دار الضحى بليل

واحد على الثاني استند .. وكفوا مثل وكفة وتد .. حيل ويشد حيل

لو عندي هاي الزلم .. اظهر واشد العزم .. بيهم للظهور

ياجدي انه اعتقد .. طف ثاني بيهم يرد .. بي ثاني عاشور

وتعاود اهل المرجلة

ثاراتي كلها مسجلة

بالغاضرية ..

.. ٢ ..

الزامط مراجل بالحجي .. شوفه عليمن منتجي .. وايسولف بكيف

هذا الحجي رايد فعل .. ويسكت حلوگ الهضل .. من يحجي السيف

بانت لك بوگفة وهب .. بركان من طك والتهب .. دار الشته بصيف

فزع حبيب ومن فزع .. حرب الجمل جنه رجع .. ويطالب بحيل

ضاكت ارض والسمه .. ونار الحرب مضرمة .. وبس تنطفي بنار

صوت بصدى يعتلي .. گالوا علي يا علي .. هاي احنه الانصار

واتريد اهلها المعضلة

ثاراتي كلها مسجلة

بالغاضرية ..

.. ٣ ..

ابن الاصل وابن الشرف .. بحبك يبو اليمه انعرف .. ذاته وحميته

اتخيل على عمره فزع .. بايعه روحة وما رجع .. وانته الشريته

دافع ثمن دمه وربح .. ميزانه بالجنه رجح .. الحر وقضيته

تكفي اشاره واشرت .. فز ويكول اتاخرت .. فاز بمنيته

ابحبك تكهرب صدك .. يتبسم ويحترك .. من نار الجنون

ناوك ثلج للمحب .. ذايب الك من يطب .. رغم اليلومون

هذا رجال ام العلة

ثاراتي كلها مسجلة

بالغاضرية ..

.. ٤ ..

ذوله اهمه تربيه علي .. بس لعلي كالوا بلي .. عد رفعة ايده

كل واحد بهاي الزلم .. فوك العزم عنده حلم .. صاحب عقيده

مو سهلة عايف ديرته .. ولحسين جاي بشيبته .. وعارض وريده

بصوله برير وشمرته .. دلهم زهير ابغيرته .. غيمه برعيده

يرعد يهد من يكر .. غيمه حرب من تمر .. تمطر جماجم

ابن الشرف والنسب .. شفت ابدمومة شكتب .. لبن الهواشم

يالمهدي دربي كمله

ثاراتي كلها مسجلة

بالعاضرية ..

.. ٥ ..

ثاراتي احسبها بدمع .. اولها من كسر الضلع .. من دفعه الباب

حد كربله ومصيبتك .. وكفه تحيه لصحبتك .. ابرار الاطياب

وكفو ستر دون الخيم .. جن عمي شيال العلم .. للساتر حجاب

هذي وعلي ليوث الشره .. قائدها سبع الگنطره .. وبزوده تنهاب

ياجدي يم النهر .. عندي وعد والگمر .. يم عمي عباس

انطيني يعم يمنتك .. بيها اشم غيرتك .. وارفعها ع الراس

عمي واحب امشي اله

ثاراتي كلها مسجلة

بالغاضرية ..

كلمات : راضي الفيصلي