اروحن وين خويه بعد الوداع
؛؛؛؛؛؛؛؛؛؛؛؛؛؛؛؛،،،،،،،،،،،،،؛؛؛؛؛؛؛؛؛؛؛؛؛
اروحن وين خويه بعد الوداع
علويات حظرن كل عبيجن
باجر ناس متحظره السبيجن
علويات مت عيني عليجن
باجر بالاحبال امجتفه اديجن
اروحن وين خويه بعدالوداع
؛؛؛؛؛؛؛؛؛؛؛،،،،،،،،،،،،،؛؛؛؛؛؛؛؛؛؛
علويات باجر ماكو عباس
لاجفين بس جثه بلا راس
وخاف اطفالنه بالخيل تنداس
علويات صيرن عفيه حراس
اروحن وين خويه بعد الوداع
؛؛؛؛؛؛؛؛؛؛؛؛،،،،،،،،،،،،؛؛؛؛؛؛؛؛؛؛
علويات اوصيجن عالحجاب
من اجله يعمه انحزت اركاب
يعمه وجوهجن غطنهه بتراب
لأن عمجن كمر هاشم بعد غاب
اروحن وين خويه بعد الوداع
؛؛؛؛؛؛؛؛؛؛؛؛؛؛،،،،،،،،،،،،؛؛؛؛؛؛؛؛؛
علويات باجر من يجي الليل
واعلينه تهد الزلم والخيل
درع صيرن يعمه للمداليل
اخاف من اليتيه نعوفه ونشيل
اروحن وين خويه بعد الوداع
؛؛؛؛؛؛؛؛؛؛؛؛؛؛،،،،،،،،؛؛؛؛؛؛؛؛؛؛؛؛؛؛؛؛
علويات ماريدن بواجي
لوشفتنه سلاب التراجي
عكب عباس ابوحلو المحاجي
سندماظل يعمه النه ومتاجي
اروحن وين خويه بعد الوداع
؛؛؛؛؛؛؛؛؛؛؛؛؛؛،،،،،،،،،،،،،؛؛؛؛؛؛؛؛؛؛
علويات باجر موش اميرات
عكب عباس صرتن عمه اسيرات
دنيه السترت اخدور الوصيفات
وبنات حسين ظلت بالفله تبات
اروحن وين خويه بعدالوداع
؛؛؛؛؛؛؛؛؛؛؛؛؛؛،،،،،،،،؛؛؛؛؛؛؛؛؛؛؛؛؛؛؛
بنات حسين ظلت ساكنه الجول
وبنات الخادمه نامن دللول
شريداحجي يدنيه ويعني معقول
كل ساعه ازلمه عللخدر ايصول
اروحن وين خويه بعد الوداع
؛؛؛؛؛؛؛؛؛؛؛؛؛؛؛،،،،،،،،؛؛؛؛؛؛؛؛؛؛؛؛؛؛؛؛
بألطف هذا عمه اخر غروب
عمه وزين اسمعن هالحجي النوب
وي جتال ابوجن نكطع ادروب
علويات هذا من الله مكتوب
اروحن وين خويه بعدالوداع
؛؛؛؛؛؛؛؛؛؛؛،،،،،،،،،،،،،؛؛؛؛؛؛؛؛؛؛
علويات باجر واحنه عالنوك
يعمه يطببونه ابزحمت السوك
واشكال الحجي اتسمعنه الاحلوك
زحمه اوي بنات اخدور متلوك
اروحن وين خويه بعد الوداع
؛؛؛؛؛؛؛؛؛؛؛؛،،،،،،،،،،،،؛؛؛؛؛؛؛؛؛؛؛؛؛
يعمه النوب ونبات بخرابه
ماكو فراش نتوسد ترابه
ورقيه تصيح ياعمي وييابه
هاي الديره مابيهه كرابه
اروحن وين خويه بعد الوداع
؛؛؛؛؛؛؛؛؛؛؛؛؛؛،،،،،،،،،،،،؛؛؛؛؛؛؛؛؛
علويات باجر عالدواوين
نطب ابكيدنه والزلم صوبين
وأعظم ماتشوفه وتنظر العين
بطشت راس الكفيل وراس الحسين
اروحن وين خويه بعد الوداع
؛؛؛؛؛؛؛؛؛؛؛؛؛؛،،،،،،،،؛؛؛؛؛؛؛؛؛؛؛؛؛؛
يعباس إلهه عتبه شيلتي وياك
ولو ماكصرت يالجيت بحماك
دنيه الشوفتني الهذا والذاك
راوتني العجب من بعد عيناك
اروحن وين خويه بعد الوداع
؛؛؛؛؛؛؛؛؛؛؛؛؛؛،،،،،،،،،،،؛؛؛؛؛؛؛؛؛؛؛؛؛؛؛؛
سعدالفحام،،،،،
تعليقات
إرسال تعليق