شنهو الطلعج بالليل..ماخفتي ظلام وخيل
يايتيمه
دليني مكانج وين.. المن رايده تروحين
يايتيمه
ظلام وحايره وحدي.. فتاة ودمعتي بخدي
ادور طفله من عندي..خذاها الروع
انادي يابعد جبدي.. تعالي لعمتج ردي
ياعمه فدوه بس ردي.. بقلب مفجوع
على درب النجف صديت.. دخيلك ياعلي ناديت
يابويه فزعتك ياريت.. على المفزوع
شفت لن فارس تقرب.. ندهني اهناك يازينب
اظن طفله اسمعت تنحب.. صداها ادموع
يم جثة اخوج تنوح.. ليش من القفا مذبوح
آآ يابويه
آنا اتوجهت الحين.. للجثه وسمعت ونين
آآيابويه
*****************
تشابقنه ابقلب ملهوف.. واحسها ترجف امن الخوف
تكلي والدمع مذروف.. اريد امي
مشيت ابلا وعي بدربي.. صحت دليني ياربي
ياعمه الشوك اخذ كلبي.. واخذ جدمي
مشيت وتيهت بالبر.. اكومن نوبه ونوبه اعثر
وابويه جيته اتحسر.. جمر همي
حضنته ابدمعة اعيوني.. كلتله بابا ضربوني
ولا انت افزعت دوني.. ولا عمي
تعرف بيه مذهوله.. ماتسمعني معقوله
آآ يابويه
ناديته وترجيته.. يجاوبني تمنيته
آآ يابويه
*********************
ياعمه اوياج اعود شلون.. اخاف العسكر يرجعون
ترى امتوني زرك لاكون.. يضربوني
ابويه خل ابويه يكوم.. واكله شلون اجاك النوم
وأنا بجعب الرماح القوم.. يدفعوني
خيم ماعدنه لا حراس.. ولا يمنه الكمر عباس
ياعمه والله هاي الناس.. يشتموني
ياعمه خل نظل هناه.. وابويه اغفه على يمناه
واذا يكعد اعود وياه.. يهابوني
آآ ياذلة الايام.. اتوسد رماد خيام
آآ يابويه
يغطيني ظلام الكون.. وشتغفه بعد العيون
آآ يابويه
*****************
ياعمه امج عليج تنوح.. ولا تدري لوين تروح
شبه طير الوكع مذبوح.. على فركاج
أداء الرادود جعفر الدرازي كلمات الشاعر عمر فاروق البدراوي
تعليقات
إرسال تعليق