"أنا منك وإليك" سيدي يا حسين.
-
(١)
انته الـهـوا الأتـنـفـسـه
يالعايش ابـأنـفـاسـي
هذا الگلب مثل الصخر
لو ما چنت بحساسي
يمالك رِقّي عِشْت آنه اعله بابك
اُو تِعود خدي بس يِغفه اِبتُرابك
آنه العايش وَسَط صـحـراء ميْتَه
حُسين اِتعَطَف اعليّه اِبسَحابَك
يا حبيبي يا حسين
نور عيني يا حسين
-
(٢)
دلـيـنـي مِن ويـن اَتِجِه
آمـرنـي وآنه ابـأمـرك
ابـكيفك آنـه بس المهم
خليني ابقه ابـكِـتـرَك
بـالـتـريـده تِـدَلـل وِانـتـه تـامِـر
يبو الأكبر اَنـا ابكل لحظه حاضر
تِريد ابمجلسك اَفرشلك اِسماط
لَـوَن رايدني ناعي اعله المـنـابـر
يا حبيبي يا حسين
نور عيني يا حسين
-
(٣)
ابـيوم الحشر يا سـيـدي
مَشبوحه صوبَك عيني
اِبشوق انتظر لمّن تِجي
اُو تِـلـزِمـني مِنِ اِيميني
وحـگ الـخـلّـد ابـهـل دنـيّـه ذِكراك
اُو جِعَل جِن اُو اِنس يحسين تنعاك
خِـدَمـتَـك مـو لـجـل جــنّــات والله
خِـدَمـت اُو نِـيِـتـي انـحـشُـر ويّـاك
يا حبيبي يا حسين
نور عيني يا حسين
-
عبداللطيف خالدي
٢٩-٦-٢٠١٨ مـ
أداء
#علي_بوحمد
كلمات
#عبداللطيف_خالدي
-
#محرم 1440 هـ
#Muharram 2018
تعليقات
إرسال تعليق