عزائك عشقناه ابد مانسيناه
بدينه المجالس حبيبي حسيناه
بالمحبه البينه الك الله عالم
وشكرا موفقنه نحضر بالماتم
شاعر ورادود والبالعزا لاطم
كلها صاحت ياحسين اقبلني خادم
خدمتك حياتي.. ياصومي وصلاتي
كتبنا بدمعنه.. حبيبي حسيناه
ماكو مثلك من بني ادم وحوه
تنذبح عطشان حته المثلي يروه
نروحلك انا وهلي والماي فدوه
انا لو ما خدمتك يحسين شسوه
ياجرحي وطبيبي.. يااهلي وحبيبي
السألني اكله......حبيبي حسيناه
قدمت روحك يابو الروح العظيمه
لخاطري دم خضب الشيبه الكريمه
ياهو انا وتحترك من اجلي خيمه
اه يالركضن بناته بكاع هيمه
ياهل الشهامه.. سترنه بخيامه
شنقدم قليله.....حبيبي حسيناه
انت من اجلي رضيت بهذا امرك
ردت ارفع راسي بيك انطيت نحرك
وحته تلزم ظهري ظل مكسور ظهرك
حكي الطم صدري يالمسحوق صدرك
لطمنه بعزاءك...اشتريته بدمائك
بمحرم ننادي....حبيبي حسيناه
يالمتت عطشان بدموعي اكتبك
وبمحرم كل سنه مولاي اندبك
بيني وبينك الف عام واحبك
من يضيعني زماني يلمني دربك
هيامي بجمالك. دمعتي حلالك
وحقك احبك....حبيبي حسيناه
كلمات الشاعر
مصطفى العيساوي
تعليقات
إرسال تعليق