📜 القصيدة: گوم حگ الخوه
🎤 أداء: مسلم الوائلي
🖋 كلمات: حسن الترابي
~~~~
حسين آه حسين آه
~~~~~
من الغربه هينه وصعبه من اختك تجيك
شلون ما جان افزعلنه حسين لم روحك بديك
الخيل وانه وكلشي يوجع كلهن التمن عليك
خويه گلي انه ياهي كون بعدك تذكر اختك
خاف زعلان اعله زينب ونايم بگد ما ندهتك
يا عزيز وكلشي يرخص يم غلاتك حته بزري
عون لاگاني وعبرته وجيت يمك وانته تدري
خويه اجيتك خويه اجيتك خويه اجيتك
~~~~~~~
خويه موش اعتاب اجيتك شوگ يحسين اعتنيت
تعمدت گدامك اعثر بلكت اتفز وستحيت
اتگعدك الخيل اعله حيلك بالسحگ وترد گضيت
خويه مو فزعه الخواتك گوم وتلگاني فشله
تنحجي بظهرك عله اختك شبعت من الخوه ذله
كلشي ما كاسرني غير عيونك الماهنه يمي
كلشي ما اريداً وحگك وصيحني اخر مره بسمي
وامشي عنك خويه خويه يا ابن امي
~~~~
حسين فك عينك واخذني الخوف ما خلالي راي
الگاع من اجدامي تعبت يا ركض يا خوه هاي
مو زلم تركض وراي افراگكم يركض وراي
گوم حگ الخوه وارجع لا يضحكون الشماته
لا يشمتون ويگولون حسين ما گام الخواته
گوم كلشي الجان اليه وداعتك مو مال نومه
الهاظمتني الناس غربه وزينب انه وهاي حومه
وين اروحن وين اروحن يا ابن امي
~~~~~~~
طاحت عيوني اعله جرحك وانحصر بعيوني ليل
اللهفه بدتني اعله نحرك والعطش ما خله حيل
وداعتك ما بيه گطره ويم ضماك ابرد سبيل
حته وجهي بلايه گطره ذابل وذبلانه زينب
جنت اگول الراحه عينك وتالي من عيونك اتعب
كلشي ماظل عندي منك بس عذابك والمعزه
يا وكت بحسين احشم ما يفز وردود اهزه
ويبقه نايم الدللاني الدللاني
~~~~
ردت الم حيلي واودعك مدري اضل يمك وألمك
وين اوديك من اشيلك خيمه ماكو وبيها اضمك
ياهي اهونهن عليك الگاع لو زينب تلجمك
انه ياهي اختك امك ما عرف روحي وحگك
علمتني بزغري يمك شبگت ام وخوه اشبگك
ساعه امي وساعه ابوي وساعه المدللني احسبك
وداعتك ما اريد اتعبك بس وحگ العشره احبك
انه زينب الدللتني العذبتني الضيعتني الموتتني انه زينب
~~~~
انباگت العشره من ادينه وهاي هيه وكلشي راح
موت موش اظل وراي حسين هم يله استراح
اعذرني خاف الدمعه تجوي وفوگ نحرك دمعي طاح
حسين ميت وانه عدله موش هيج العشره تگضي
يگلي گلبي يله زينب حسين مات وگومي ركضي
وين اروح وانطي وجهي اليا كتر يا گلبي گلي
مغرب وما عندي خيمه حسين جان الخيمه واهلي
يله زينب گومي ركضي راح عزج والدلال
°°°°°°°°°°°°°°°°°°°°°°°°°°°°°°°°°°°
تعليقات
إرسال تعليق