ما مرت بالخيال | الملا محمد بوجبارة |

 

طالبيّه .. سبيَّه .. ما مرّت بالخيَال

الظيم إجالي .. او رِجالي .. عافوني ابلا رِجالْ

يا زماني .. اْو أماني .. متعفّر بالرِّمال

و العجيبه .. النَّجيبه .. صار ابچفها الحِبال

أعوف .. گلبي بالطفوف

شسوّي ابگلبي او نبضي اموسَّد عالغبره ؟!

و أروح .. و أنا مالي رُوحْ

عفِت روحي يم روحي تغسِل دَمْ نحره

يحيف .. لنّه خدري طيف !

او عگب أهلي چتَّال أهلي لظعني يِبره

و الامُر .. صِدر كون أمُر

عله أجساد اُخُوتي وهُم بالحومه

ابهالظهُر .. يذوب الصبُر

و أشوف الاخُو امْسلِّبين اهْدومه

و الزجُر .. زجرني زجُر

او كفيل الخدُر هامته مهشومه

حسين ... حسين ... حسين

ــــــــــــــــــــ

الحادي ناده .. او عِناده .. واضح من هالصِّياحْ

يلّا گومي .. اُو گُومي .. اعْليهم تسفي الرِّياح

او شِفْت إمامي .. أَمامي .. غُسْله ابْدمِّ الجراح

يمشي ضَعنه .. او وَضِعنه .. ايعاينْ له امْن الرّماح

بِعيد .. و السَّفر يريد

أبو ايصبِّر أيتامه و ايْشارِك هَمها

اْو حُسين .. اْعلينه خلَّه عين

تبارينه او عين اعليها جامد دمها

حَنان .. راسه عالسِّنان

و إذا ضاعت أطفاله بالصَّحره ايلِمها

اشگد صعُب .. الطفل بالدرُب

يطيح اْو إذا رادْوا ايركبونه

هالرَّكُب .. ابْـ شَتِم و ابْـ ضرُب

ثجيله السِّياط اْو نِحيله امتونه

و الغُرب .. بَلايه گلُب

ابطريج اللّي ما ينمشي مشَّونه

حسين ... حسين ... حسين

ــــــــــــــــ

اشهالكسيره .. أسيره .. و أطوي الدّرْب البِعيد

اْو من زِلمْنه .. الـ يِلمْنه .. شدّوا إيده ابحديد

عالهزَيله .. نَزيله .. و أسكن دار العَبيد

و الهظيمه .. العظيمه .. أدخل مجلس يزيد

أموت .. أهوَن امْن أفُوت

وسط ديوانه او شَمَّاتي ايْصدلي ابعينه

ذُهول .. امْن أنسِئل شگول ؟!

إذا گالولي احسينچ يا زينب وينه ؟

أخوچ .. وينه و ابن أبوچ ؟

اللي دگْ لِچْ صدره انبشرچ طاحن چفّينه !

من فِتِت .. عَجَب ما مِتِت !

سبيَّه اوگفّت تالي بين ارْجاله

ألتفِت .. و أصد بالطَّشِت

يزيد انوضع راس أخويه اگباله

كابَرِتْ .. كأَنْ ما شِفِت

وأغطّي ابإديَّه عُيون أطفاله

حسين ... حسين ... حسين

ـــــــــــــ

[ ما مرَّت بالخيالْ ]

ميرزا عادل أشكناني

شوَّال / 1443 هـ

https://t.me/mirza_adel_ashkanani