راح ابوك الجان خيمه وخلصت ايام الربا
راح تعطش للمحنه وگلبك الهجران راح يعذبه
بعد ماتسمع البويه ولا لا حجايه مهذبه
وحگ المانشوفه وبس اهو معبود
عمي الابو تجايتك بالضيج لو موجــود
من ينحني ظهرك والدك مريود
احزن على الوالد عمر لو جافاك
وخل حزنك يصير اعليه ماله احدود
الابو ما ينخلف لو حكم عاد البين
وعودك ماتخلفه بعــود
ركضن ايامـك بسرعه وعالهجر مرت سنه
وبيت حزنك يالمسنع حدر الضلوع انبنه
آه شيخلص الفرگه الفرگه عله ومزمنه
الفرگه ايديها اوكاح كلش وأنا جروحي مخزنه
والله موش بس ظهري عليهم شوف العيون انحنه
آخ من گوطر ظعنهم جدمي بسنيني انگل
انحلت كلش گمت احسن هدمي الفوگي ثگل
وآنه واجف راح اموتن عالمشوا موتت نخــل
گمت اون ونة فجايد يو حاديهم غبش
وگتله ريض يالخذتهم ذول مابيهم دغش
وگلي سفرتهم طويله وخلگي للون انفرش
وگمت اون ومن ونيني البوم ناشغ واندهش
افراگهم مسحة مسنع وحدر الخواصر بلش
منهـد ما طوح الحادي وللغري بربعي طرش
ماﭼهب راسي الوساده ولا جفن عيني رمش
العين ما تعطش وآنه عيوني متروسه عطش
على المنهم ماكو يوم احساسي بحـﭼايه انخدش
آنه اول مره اشوف الورد ينحط بنعش
تعليقات
إرسال تعليق