قصيدة " لوحة عطش"
الرادود : حيدر البياتي
الشاعر : مصطفى العيساوي
- من أصدار محرم الحرام 1444 ه للرادود حيدر البياتي -
أرسم وجهك .. بلون يشبهك
تگـلي اللوحــة بماي إرسمني
سحرتلك شموعي . وحيرني موضوعي
و بريشــة احزاني . يرسمنـــك دموعي
شبيدي رسـامك بعينه مــا شافك
و بمخيلتي ردت ارســم اوصافك
و إنحـِنت دمعتي برسمة إشفافك
و لـوحتي تعاتب العلگمي العـافك
إستغربت روحي
و ينسـمع نوحي
ارســم جـروحي .. بـ مـاي
شفافك شبـيها ؟!
و أنحب عليها
لـوحــة أرويها .. بـ مـاي
كلــما تذبل . أنــت الأجمل
اليعطش غيرك أنت تهمني
و بلوحة احزاني . عطشانه ألواني
شيرسمك و أنتَ . بالعــــالم الثاني
أرسم بعينــك و ريشتي طاحت
حـــارت بنظــرتك للخيم راحت
وصلت لطبرة الحاجب و ناحت
الطبرة لا تنلجم بالرسم صاحت
و دمعة عيونك
مــــا يرسمونك
غيـــرو لــونـك .. ليش ؟
أنـــت كــدامي
كـــوثر أيــامي
تنرسم ضــامي .. ليش ؟
إحساس اللوحة . دمعي يوضحه
و غــير جـــروحــي مـــا تفـهمني
و إحتـارت الفكرة . بشيباتك الحمرة
أرسم بلـون ابيض . بس دمك يغيره
لـون الابيض بچى بصورتك شفته
و بغــروب الشمس شيبك إصبغته
أنـت اول فــجر بالدمـــه إرِسَمــته
من العــطش و الذبح أنت مو أنت
عـَالرسم يصعب
شيبك مخــضب
خـدك مِــــتــرب .. آه
بفكري اتصـــور
بدمــك مـعـــفر
وجهـــك مغــير .. آه
طفك هيــبة .. بلون الشيبة
عـــايش ميت خيمـة تلمني
و إكتملت اللوحة . بإحساسك وجرحه
و الحجر بالجبهه . عن بالي شيمسحه
هـذِ لـوحـة عطش وينه عباسك ؟
صورتك كملت و عذبت نــاســك
كلهـــا تتخيــلك عـَالرمح راســك
عالحرم و الخيم شَيب احساسك
بعيــنك إخيامك
وركــضة أيتامك
أصعـــب آلامــك .. وين
بزينب أتـــــأمل
بســـاعة المقتل
بالخــــيم عالتل .. وين
و أختم رسمي .. بتوقيع إسمي
و هــايه الصورة تضل تلجمني
.
تعليقات
إرسال تعليق