#محمد_الجنامي قصيدة ( عالم اخر) اداء الرادود محمد الجنامي كلمات الشاعر السيد عبد الخالق المحنه الهندسة و التوزیع محمد علیق
القصيدة: عَالم آخرْ
الرادود: مُحَمَّد الجنَّامِيْ
الشاعر: عبدالخالق المحنة
~~~~~~~~~~~~~~~~
مِنْ شِفْتكْ مٰا شِفتْ النٰاسْ
مَشٰاعر حِبّ واخسٰاسْ
تِغٰازل بالأنفاسْ
غَزْل مٰاي وضُوه
حَبِّيتكْ مَوطنْ عُشّٰاگ
حَبيبْ ومٰاكو فراگْ
يٰا شوگ المٰا يشتاگ
ياجرحي و الدُوٰه
ضٰواي
منٰاي
هَواي
يٰا أغلى من الهوٰه//٢
~~~~~~~~~~~~
يا شجره بصحراء وصيف
ترافه و رمشك سيف
اشوفك وكت ضماك
روجة ماي ترويني
يا شوگي الما مألوف
يا عيني البيك تشوف
احبك حب ما صار
جمرة نار تچويني
ما تغيب
يالوجهك يملي الدنيه شوگ ولهفه
ما تغيب
يالحبك عالم آخّر نجهل وصفه
ما تغيب
بغيابك عمر الحب يواجه حتفه
يـا ضـي عـيـنـي
يا نور الما شافك ضاع
لقاء بغير وداع
اشوفك فوگ الگاع
واباوع للسمه
راسملك صورة عطشان
تدوّر عن انسان
يموت وبيه وجدان
بيخ نار الضمه
هويت
رجيت
دعيت
لون نعطش سوه//٢
~~~~~~~~~~~~
لونّك ما موجود
خيام بلا عامود
الحياة شلون اتصير
وحشة بير مكروها
اجيتك طير وطاح
غريب بلايه جناح
لگيتك ديرة شوگ
والعشاگ سكنوها
وانته ذاك
ونشوف الدنيه اندارت عالم راحت
وانته ذاك
بالعالي و وادم ضاعت وادم طاحت
وانت ذاك
متسيّد عرش الغيره ورحي الصاحت
هـذا حـسـيـنـي
ما ريد الحب بلا نار
واريده بلايه اسرار
واسولف ليل نهار
جنون اهل العقل
لو ما اتعذب ميفيد
محبتي جروح تريد
اريد النار تزيد
واهيمن وانشغل
بچيت
نعيت
ضميت
حـبـيـبـي ما روه//٢
~~~~~~~~~~~~
الهك كلشي نطاك
شتريد يگلك هاك
جميل بكلشي تصير
بس مجروح احلالك
عجيب و الخدام
بوجودك كلها اعلام
وحقك چنه ازغار
هسه كبار بافضالك
والملوك
ما دامت حكمت فتره وانته الدايم
والملوك
ما شافت هاي النعمه وتحسد خادم
والملوك
تتراجع ما تتقدم وانته القادم
مـا ناسـيـنـي
خليت الخادم سلطان
عزيز وما ينهان
جليل وعالي الشان
اله جاه وبخت
يا هنياله اليوفي وياك
يذكرك ما ينساك
تلزمه بچف يمناك
وهي بكيفك صفت
أمان
ضمان
حنان
على هالمستوى//٢
~~~~~~~~~~~~
✍🏻https://t.me/bk_mj_96
~~~~~~~~~~~~
تعليقات
إرسال تعليق