📜 القصيدة: غار النبوة
🎤 أداء: مسلم الوائلي
🖋 كلمات: حسن الترابي
~~~~
حبك جرح يابو الذبح يلجمه الضماد
حزنك ضمه بلون السمه گبل السواد
يأول صدگ واخر عشگ يبدي الحياة
وياك العمر يحله ويمر بالذكريات
~~~
حزنك نبي و وحيك ضمه والغربه غار
نحرك محمد والرمح جان اختيار
نحرك رسايل شوگ ومحامل
بيهن رسولك جاي
طايح سمه وما بين عليك انكسار
شفت العطش بشفافك ايدور قرار
جرحك مناهل بس انته ذابل
بين الخيم والماي
ياهو بعطائك والكرم
بگلبك تلوح للسهم
وايدك تخط صوب الخيم
درب العطش والنار
دمك لمع فوگ الرمل
الف وتسعمية فصل
كل لجمه لجروحك اصل
موسم عشگ واسرار
جروحك وطن وشعبك ضعن حزنك هواه
عشتك عطش وغيمك غبش الگلبي رواه
يأول صدگ واخر عشگ يبدي الحياة
وياك العمر يحله ويمر بالذكريات
~~~
شفتك شمس فوگ الرمح تنزف غرام
من منحرك مو دم يصب يجري السلام
عيونك سوالف تجفي وتوالف
ومن التعب تندار
من خضب الدم شيبتك صار الظلام
لا گطره ظلت للضوه بعين الحمام
دم بالملامح بس انته واضح
ليش اصفن واحتار
مو غامض انته وتنحزر
وتوضحك دموع الصبر
عطرك ولا يشبه عطر
عطر العشگ ذكراك
يوميه وياك انولد
گاع وشلت حبك ورد
يمك عشت حر وعبد
مو بيدي اذا اهواك
اتوهمك وتحلمك ما منذبح
بعد الحلم يكبر رسم ذاك الرمح
يأول صدگ واخر عشگ يبدي الحياة
وياك العمر يحله ويمر بالذكريات
°°°°°°°°°°°°°°°°°°°°°°°°°°°°°°°°°°
#مسلم_الوائلي #قناة_العقيلة #قناة_أم_البنين
غار النبوة | مسلم الوائلي | 2022 | Ghar AlNebowa
غار النبوة | 2022 | Ghar AlNebowa اداء | #مسلم_الوائلي | الشاعر | حسن الترابي | توزيع والحان | حسام يسري | الهندسة الصوتية | محمد الخنيزي | تسجيل الصوت | علي الميرزا | مدير التصوير | محمد طالب | الاضاءة | سعد سلمان | مخطوطة | حسين مقيم | مونتاج | ايمن احمد | الاشراف العام | خالد البراك | اخراج | حارث العكيلي | انتاج | قناتي العقيلة وام البنين عليهما السلام | يهدى ثواب هذا العمل لأرواح مشتركي قناتي العقيلة وأم البنين عليهما السلام |
تعليقات
إرسال تعليق