ياصوت باقي للحشر ..ياكاسر غرور الشمر
يااربع احروف بشكل طوفان
ياموسى والطف موطنه.. يالماقبل بالفرعنه
يالمامشه خلفك صفه غرگان
حسين ياشعلة الله بكل زمن ابقاها
حسين قد خاب والله الذي عاداها
الثار ..اعصار.. يالثارك.. اعاصير
لا صوت.. للموت..موتك وحده تكبير
*************************
كورال
حسين.. هالعين.. ماتم لاجلك تصير
لا صوت للموت وموتك وحده تكبير
*******************
اسمك يلامس كل نبض.. صوتك يهز گلب الارض
يمسكت الكل وانت بس تصيح
يالمنطقك يغوي العقل.. يالموقفك گول وفعل
ماخذ من الله بهالنصر تصريح
حسين بيك السياسه اصبحت مضمونه
حسين تنطي وعد ومحال يوم تخونه
وياك وياك ..كلنا نشعر بخير
لاصوت للموت.. وموتك وحده تكبير
***********************
موسم عزائك من يمر.. مثل الضوه ابوكت الفجر
يضوينه شهرك يااعز معشوگ
عاشورك من الله قبس.. وبليلة الحادي النفس
تحيي بهلالك رية المخلوگ
حسين ياريحة الزهره النشمها بشهرك
حسين يانسمة العز الاجت من فجرك
عاشور عاشور.. موسم حزن وتنوير
لا صوت للموت.. وموتك وحده تكبير
**************
ونبجي الك حد الترف.. بس نشعر بمعنى الشرف
وبحبك انادي ونگول احرار
موكسره موضعف البجي.. بالدمعه لاجلك نتجـي
قائد ونعتبرك ظهر الانصار
حسين شعبك نكون وانت بس تامرنه
حسين عينك طلبناها تجي تناظرنه
اتبوح هالروح.. ابكل التعابيـر
لاصوت للموت.. وموتك وحده تكبير
************************
شهرك وجوده ماخلص.. شهرك قصيده وانت نص
مايكفي في وصفك الف ديوان
يالمطلعك ضاوي وبهي.. حد الحشر ماينتهي
كل المراثي آيه من قرآن
حسين لطميه بيك بدمعه رددناهـا
حسين صوت الرميثي بحضرتك گلناها
اشعار واطوار يحسين ومقاصير
لا صوت للموت.. وموتك وحده تكبير
تعليقات
إرسال تعليق