لـ غيرك دمْعتي ما اتصُب ..
غيرك گلبي ما يطلُب
حبّيتك مُروءَه اْو دِين ..
وَ هَلِ الدِّينُ إلّا الحُب !؟
____
كلشي انوجد من حرفين ..
و الدنيا خالقها الرَّبْ
ابأول حرف من (حـ)ـسين ..
و آخر حرف من زينـ(ب)
فلسفة وُجودي امْن البدايه ..
من چنِت عَدم
امْن اختبرَني الله بالوِلايه ..
او جاوِبت : نَعَم
او هسَّه جيت أكمّل الحِكايه ..
ابحِرگة الخيَم
الناس عبيدُ الدنيا
و الحبُّ ادّعاءٌ بالكلامْ..
فإذا مُحِصّوا بالغرام..
قلَّ المُحبُّون !
عن دِيني لو راح الورَع
شلون اجزع ابوكت الجزع
او كل خوفي حزني ينگلُب
من الصدِگ للمُصطنَع
و اشينفع الدمْعه التِهِل
او زينب خذوها اِعْله الهِزل
لازم أموت امْن الحِزن
بس آنه لي هسَّه عِدل !
هالعشِگ سهَل لمّن أگوله ..
او بالفِعِل صعُب
او حُبّك ابرغم هاي السُّهوله ..
يشلع الگلُب !
و الوِصلّك ايبيِّن وصُوله ..
ابآخر الدُرب
امْن الدِّين الذي ايگرُّب..
ايشوفك إنته لُبِّ الّلُب..
ديني امحبِّتَك يحسين
و هل الدينُ إلّا الحُب ؟!..
__
وكْت الحچي اهواي انشوف
من يدّعون أشياعه ..
و الحُبّه صادق معروف
وكت الصِّدِگ بالطاعه ..
لو مرامي مو عله مرامه ..
عنّه مبتِعِد
يعني ما عشت لذّة غَرامه ..
ابهاذي أعتقِد
و العبِد إذا خالَف إمامه ..
هذا مو عبِد !
فالحبُّ يموتُ و يَحيا
علىٰ قَدْرِ ما يُرضي الإمامْ..
و علىٰ قَدَرِ الإلتزامْ..
يدنو المطيعون
هالطاعه منشأها العَقِل
و العقل بالحُب متصِّل
من يكتمل حبِّ الحُسين
معناها عقلي مكتمل
او عقلي يگلي إنفجِع
او لا تكتفي ابصبِّ الدَّمِع
او باللّطم ضلعك إكْسِره
من تسمع ابكسر الضلِع
امصيبه بُكرةً إِلها او عشيَّه ..
تبچي فاطمه
او بالدم لعِظُم هاي الرزيّه ..
مطرَت السّمه
و آنه ديني إسعاد الزچيّه ..
هيچي أفهَمه !
الرايد للهَوىٰ ايجرُّب
ايشرِّق خله و ايغرُّب
دينك دِين الِمْحبين
و هل الدين الا الحًب
_
ميرزا عادل أشكناني
ذو الحجةّ ١٤٤٣ هـ
الكويت
https://t.me/mirza_adel_ashkanani
تعليقات
إرسال تعليق