قصيدة " العباس "
الرادود : حيدر البياتي
الشاعر : علي عويز الشويلي
العبــاس قــــرر أن تمـوتـون
بوجهكم أينمـا بالطف تولون
فـثم وجه أبو الغيره تلاگون
أذن مــاكو مـفر يــا آل أميه
على وجهـه من لثــامه يلف
مــا يرجـع إلا يــطــيح ألـف
يـرد لـ حــسينه بـرايـه تـِرف
شايل گاع الطف على الچتف
لاويها . طاويها . يم زينب . يجفيها
انـا الاطلع . انـا الأشجع
ويــنــه الـ عـالنهر يمنع
اجـدح غيــره من افزع
گـلبه مــن الصـدر اشلع
شارب شارب الها اصفع
محشر صار . و انه النار . يم عون
تحــت أمــر العظيمـة الهــــاشمية
- مـولاي يا راعـي الفـضل -
عــبر كــل الزلـم عــباس چنقيس
أبو فـــاضل يُـدرس كون تدريس
الـ آصف بيه تنخه و جاب بلقيس
تعــصي يــا شــريعه و طين هيه
تكتــب على كــل نسمه التـمــر
لـ أبو فــاضل بـت حيدر شـُكـر
مــن عنــدك ممنــونـــه شــكثر
تسـلم يــا ابــو چــفين الســمر
يناديها . أفنيها . ترباتچ . شوفيها
يعــرفونه . يهـابــونه
هيبـه و تـرهب متونه
من الله مكحله عيونه
بـرگــع خـــل يلبسونه
اسـم الله لا يحسدونه
بيه شيبات . بس حلوات . و النور
تجـي گبــاله الشمس تطلب شويه
- مـولاي يا راعـي الفـضل -
مره من الخيم يطلع المحروس
مره من السمه ينزل عـَـ الروس
بالطف كـل شبر عباس متروس
سلطــان و ملـكها الغــاضــريـه
بـالخـيمه الشــافــك يطمــئن
بالحــومه الشــافك ضل يوّن
وجهك بيه رعب و بيه حِسن
شـكد ترف العبــاس و خـشن
ذلاهم . بچاهم . بجدامه . داساهم
جـاب الحگ . و مادنگ
الفك حلگه برمح ينطك
سولف و الحچي معلگ
لـون الــزلم صــار ازرگ
فنـه بحضرتــه اليشهگ
صال و جال . فوك ارجال . صنديد
آجــل و بـكـيفه تــوزيـــع المــنيــه
- مـولاي يا راعـي الفـضل -
هـذا إبــن الـذي يطعن برمحين
يگطــعن بالگنـاطر عنـده چفين
بس بكربله إسمـه عبد الحسين
دك صدره و زمط لـ إبن الزچيه
يحسين الشـرف بخــوتك
بس رفعة راسي بخدمتك
بوســـات نطش لـ وجنتك
بــچــيت الـدنيــا البـچتك
يا شأني . إنخاني . عد عينك . تلكاني
أنـاديها . بـ أساميها
الكلـفه انـــه راعيها
اغـزلــها و أرد بيـها
يــم رجـليك اخليها
بچي نسوان ابچيها
هذا اليوم . أمحي الگوم . يحسين
و اخـلي بين اديــك الطـــف هديه
- مـولاي يا راعـي الفـضل -
.
تعليقات
إرسال تعليق