يل لابس ثياب العرس وين العرس

يوليدي ظلت بلنفس وين العرس

بحلامي هلهلوله وبلا صوت

جدامي شاب وكصد للموت

عرسك فلا حاجه الضوه زينه وشمع وبخور

من كلشي الله مزهبه ومگدر ومگدور

صورة جمالك زينته.. خدك ورد منثور

وأنفاسك لعرسك عطرك.. بس عرسك بعاشور

ااا يبني ياجسام

شجاب الورد يم العطش يبن الحسن

ماجنك بسن اهدعش يبن الحسن

شجاب الورد يم العطش يبن الحسن

بعيونك فركة ووداع وثار.. يحنونك حنة عرس ماصار

هيبة شبابك تارسه عيون الفرح مذبوح

عرسك زفافك حنتك للحومه كون يروح

وهلهلوه خرسه بلا فرح غالب عليها النوح

جرحي تسولف شمعتك حتى الضوه مجروح

ااا يبني يا جسام

جنك نويت لفركتي لطف كربله

شيكضي عكبك غربتي بطف كربله

ياكلبي شكد هل عرس تانيت

وتربي تاليها فركة جنيت

لو قررت يبن الحسن كلب امك تحرمه

اترس اذاني يلولد من جلمه اليمه

وبعطرك اترس غرفتي حتى ابقى اشتمه

يمخلي رسمك ع جفن بحضاني شيضمه

*******

مدونة كووولشي وكلاشي عراق