قصيدة الليلة
(لمولاتي أم البنين عليها السلام )
ولدي ردوّني بنيه
وحنّو الشيب البيه
::::::::::::::::::::::::::
١
ولدك حيدر موت مگدر
عاشت يمناهم
ركبو عالدم شموهم شم
ويد الله وياهم
عفيه سباعي وچف ذراعي
لو منكم ميه
هم انطيكم وافرح بيكم
لحسين شويه
ولد الكرار ومافرو
مناوب سيف وسطره
صدو لحسين شما عطشو
والماي ابن الزهره
كل واحد جيشين بزوده
ومنجل بيده ويحصد ناس
زلمه بدمهم تارس جوده
من يوفي بگد العباس
الغيره مرايه وتمشي برايه
عالغيم چتافه
واحد طايح واحد رايح
بالدم يتعافه
عفيه ولد البدويه
ولدي هاي المرجيه
ولدي ردوني بنيه
وحنو الشيب البيه
(((())))
٢
عفيه أكبرهم عفيه أزغرهم
عفيه الوسطاني
وعفيه بثانيهم ثانيهم
بعد امك آني
فوگ من الحگ ياخذ لو طگ
يرجع ببشاره
ايعبر للنار ابن الكرار
ابن السطاره
قبلي الكرار موصيهم
ينصرون ابن الزهره
وركضو صارو سيف ودرگه
اهل الغيره السمره
مابيهم محتار بروحه
كبار وبالطف حيل كبار
وين الماحاير بجروحه
عالدنيه تحسهم خطار
الجيش گباله يصير فضاله
ويستنگي بكيفه
سيفه الكهرب بالچف يلعب
ومونّس حيفه
عفيه ولد البدويه
ولدي هاي المرجيه
ولدي ردوني بنيه
وحنو الشيب البيه
((()))
٣
هيل مركّب وشگد ينحب
من راسه الگاعه
ماضم روحه وجاب جروحه
من چد ذراعه
وجه اليضحك طاح وماشك
سيف البچاهم
شيخ ويفرض وبجاله تفض
حگ الله وياهم
حزام ورگبه اطلب گامو
زلمه يلوذ بزلمه
سباع تريد الموت ملاگه
اولادي الهمه الهمه
وين الماطاحت وگفاته
وين اندارت سيفه اندار
من گد ماشافو صولاته
گالو هذا ابن الكرار
ياهو يردّه وياهو بگدّه
نسوان تجيبه
بدويه أمه وشايل دمه
بچفوف الهيبه
عفيه ولد البدويه
ولدي هاي المرجيه
ولدي ردوني بنيه
وحنو الشيب البيه
(((())))
٤
انولدو للطف صفو فد صف
زينب حيتهم
رايه ورايه وفد حچايه
حسين بكلمتهم
شكراً لمهم يضحك دمهم
عالسيف جروحه
بغيره احترو موت افترو
چفوف المملوحه
قوات حسين وذرعانه
الواحد جيش تحسبه
الگابلهم لو يرجع سالم
لازم يحمد ربه
بيوم العاشر لو شايفهم
صارو چن كلهم عباس
اولهم يشبه آخرهم
مشربتهم غيره ونوماس
گالو تسوه الروح الخوه
وعونه الوافاها
الطايح يسلَم نمشي اعله الدم
وحسين تباها
عفية ولد البدويه
ولدي هاي المرجيه
ولدي ردوني بنيه
وحنو الشيب البيه
فصلو للغربه رايه
وصله زادت للعبايه
كلشي ياخذني للفراگ
عمري بادي من النهايه
(((())))
١
مو غريبه آنه القريبه
جدي أمير المؤمنين
چنت بت حسين هسه
صرت بنت الشايلين
على سدتكم غرفتي
گاعده وذاك الونين
راحو وسولف ضهرهم
مايجون الرايحين
آنه ومفارگهم نبات
ليلي عايش والحلم مات
كلشي ماضل عدنا ينباگ الغربتي هاي البدايه
(((())))
٢
گمت أدوّر بلكي ذكرى
بالغلط بيدي تطيح
بلكي بي ريحة عطركم
ياهلي وفيّش أصيح
الزم الحيطان واوگف
ويلچم گلبي الجريح
آنه بتكم بويه بتكم
مايصح ليش الصحيح
سوّي حَل بويه الغربتي
شيلني تذكر وگعتي
دمّك ولگليبك اشتاگ
منين اجتني الغربه هايه
(((())))
٣
كون اموت شما ذكرتك
سايمه جروحي عليك
مامتت ماريد أكلفك
يكفي الماتو بديك
الغربه قبلك ماكو اسمها
والغريب يلوذ بيك
يافراگ تريد أحمله
وانه أزحف چنت أجيك
الدنية خلتني بعقلها
غير بنت حسين أگلها
يازماني شتالي وياك
تبده گلبي ونشف مايه
((()))
٤
انه ياعباس أريدك
عمي علمني الكلام
اعرف انه بس أفرفح
تدري مايحچي الحمام
لا أطير ولا أسولف
بس أخاف من الظلام
الدنيه كلها تريد موتي
بيتي چن أرض الحرام
وفوگ هذا انه عليله
جدامي وجروحي ثگيله
ياهوى الله والنفس ضاگ
اتكسّر بگلبي المنايه
((()))
٥
صار مايشبهني وجهي
راح اگلكم لاتجون
روحي ماتعرفني گامت
غير صورة وغير لون
من اهدكم نشف دمعي
گمت أوشّل بالعيون
فاطمه وبت فاطمية
وبيه جرح المايهون
زغيره بس أكبر خطيه
ابيتي سموني السبيه
الصار بيكم بالضبط صار
الناس گالت منهو هايه
قصيدة لثقة الحسين ع
مسلم ابن عقيل ع
ًشاف الرسايل گال مسلم حاضر
أطلع اليوم وما اتاني الباچر
مسلم تسميني الناس
وبعينك انه العباس
بالعاشر
((())))
١
أمرك على راسي ذهب
روحين أحط گدامك
لو چنت ابن عمك گبل
اليوم من خدامك
جيب الرسايل واطمئن
طالع أنا گدامك
للكوفه ونقلك خبر
باچر افرح ايامك
للكاتبوك اوصل وشوف شصاير
اگلبها عاشر گبل يوم العاشر
جدمك وراسك ينباس
وبعينك آنه العباس
بالعاشر
((())))
٢
سيفك وبگرابك چنت
يحسين رهن چفوفك
وبكيفك أمرك سيدي
بالموت هم ماعوفك
اتگطع بحبك وصل
وجروحي تبقى اتطوفك
عايش وياك بريتك
چن واحد من حروفك
مافارگتني بيوم طول سنينك
وكل عمري اشوف الدنيا انه بعينك
ياريت حبك ينقاس
وبعينك آنه العباس
بالعاشر
((()))
٣
لا مو عرب شالو حطب
نيتهم يغدرونك
همه ورسيالهم چذب
ماچنهم يعرفونك
شيمتهم وتعرف بعد
يضلمون ميرحمونك
لا لا تجي للكوفة أبد
وهم لا تگلي شلونك
چنهم رسايل كاتبين الغيرك
يحسين ميشبهون أبد تفكيرك
يحسين ضل سالم راس
وبعينك آنه العباس
بالعاشر
((())))
٤
وحدي چنت وماقصرت
هاشمي وبيدي ذراعك
انه ابن أخو الفارس علي
شارب الغيره بگاعك
تقدمت همه تراجعو
عرفوني من اتباعك
لا مو زلم بس بالإسم
يرجفون من اسباعك
شايل قضيتي الأثگل من جروحي
روحي الحسين وخلها تطلع روحي
لا مرجله ولا إحساس
وبعينك آنه العباس
بالعاشر
((())))
٥
مثل الرسايل شگگت
زلم الكتايب بيدي
شگد سيفي برگبهم لعب
والحرب أصلاً عيدي
انه ابو طاهر بالحرب
القادة أول صيدي
انه الحسين بدم علي
موقع على تجنيدي
انه ابن ديني ونته بايع دينك
وين الحسين اوين المودينك
بالكوفه أبقى نبراس
وبعينك انه عباس
بالعاشر
تعليقات
إرسال تعليق