انا دوم بخير.. على راس الطير
اذا انت وياي ياخويه
كأن الطير فوق الراس.. مثل للهيبه والسطوه
واحس اني اعله راس الطير.. اميره بعالم الخـوه
أنا وانت بفرد شريان.. خدر ويعانق مروه
وأنا قبل الارض قتلك.. اروح المشيتك فدوه
سوه كون نموت.. سوه بالتابوت
حلمي ودعواي ياخويه
يماي الماي صفنت ماي.. بين عيونك وثغرك
مثل ماتصفن الفرسان.. من طفح زعل صدرك
اعرفك مبتسم زعلان.. بس اتباوع لظهرك
ابد ما ينكشف مصباح.. اذا ماينكشف نحرك
مشي ايد بأيد ..واحس انت بعيد
ملكت دنياي.. ياخويه
فرح محزن سمح زعلان.. سهل مرتاح لو تصعب
تسولف تسكت تأشر.. تمانع تبتعد تقرب
تظل بعيوني ذاك انت.. حبيب بكل طبع تنحب
اذا اشرح جزء منك..يبو فاضل صدق اتعب
اذا جزئك كون.. انا اشرحه شلون
تره تصعب هاي.. ياخويه
جبير بيوم مولودك.. تريد اخيالي يتحجب
طفل حاضنتك بروحي.. واشوفك اصيد وارهب
سؤال الطف سؤال الناس.. سؤال الخيمه من تلهب
بلا زينب اكو عباس.. بلا عباس اكو زينب
اذا احنه نروح.. فلا بالطف روح
زعم احنه هواي.. ياخويه
يقائد جيش ابو السجاد.. وينه الجيش ماشفته
اثاري انت يخي قائد.. واثاري الجيش هم انت َ
منو مثلك يلوح الغيم.. ولكن ينحني لاخته
يسد وجه الشمس جفك.. نجوم الظهر بايسته
عذب ومملوح.. جارح ومجروح
ضمه وانت الماي.. ياخويه
اذوب بوجهك الخجلان.. بلا تقصير تتعذر
حلاتك لو حجيت اوياك..تدنق والوجه يحمر
يبو طول اليقصر الناس.. الاشم من هيبتك يزغر
يعين الزهره من تطيح.. تطيح عيون للخدر
اذا وجهك غاب.. ولا شي ينهاب
وانا كثره اعداي ..ياخويه
كلمات الشاعر
السيد عبد الخالق المحنا
تعليقات
إرسال تعليق