استقبال محرم مرتضى حرب
فكد الضنه 1443 هجري
مرتضى حرب || فكد الضنه || كلمات مكتوبة
يافاطمـه يافاطمه
يافاطمه وفگــد الضنه اثكـــل حمـــــل
بعين الله گلبج فاطمه.. الكبرج وصل ضيم الفگد لازم لطمها اعله الضلع.. الوالده التفگد ولد
بيهم البشيبه انذبح.. وبيهم البعمر الـــورد
ليليه گلبج ينعصر.. بوحشة فگدهم واللحــد
وماظل بعد جم ليله ومحرم يهــل
يافاطمه وفگد الضنه اثگل حمـــل
**********
عزاز وعليهم مابطل.. ونج ولا سيل الدمع
ساعه بكلف ساعه بترف.. گلبج يفاطم ينفجع
اليشبه حبيب الله انذبح..ومن النزف ظل مايشع
وظل الحسين لوحده.. لا جف عضيد ولا ربع
حيرة عزيزج عالگلب مو شي سهــل
يافاطمه وفگد الضنه اثگل حمـــل
************
بكل منحر ولطمة زند.. يام الحسن گلبج يحــس
يافاطمه دمهم جرى.. حد ماطفه شموع العرس
النايم حدر في شيلتج..تشوفينه نايم بالشمس
وجف الحسين بيا ذنب.. من دم رضيعه ينترس
باترف نحر يام الحسن شفتي النبل
يافاطمه وفگد الضنه اثگل حمل
****************
شفتي الظلام البالخيم.. من ظلن ابلايه گمـر
وشفتي عزيزج من مشه.. شگد دنگ بدرب النهر
من طاح الموگف الخيم.. عمر الخيم شفتي گصر
والماعثر جدمه بدرب.. من طاح ابو فاضل عثر
شفتي حبل وشفتي مره وشفتي هزل
يافاطمه وفگد الضنه اثگل حمل
****************
لاخيمه لا حنة عرس..ماخله شي جف الظلم
زينب يام زينب بجت.. وغير ملامحه الهضم
الشبعت دلال من الگمر..بطف كربلا شبعت لطم
يكتل وجع فگد الاخـو..زايد على كسر العضم
وي كل جرح حدر الترب دمعج يهــل
يافاطمه وفگــد الضنه اثكـــل حمـــــل
******************
كلشي صعب بالطف سده..شفتي يبنت المصطفى
واصعبهن احسين انذبح..ياام الحسن من الگفه
من صبوا حسين بسهم.. بگلبج سهم گلبه غفه
نيران المخيم طفت.. زينب گلبها ماطفه
سو ه أثر بيديها يا وسفه الحبـــل
يافاطمه وفگــد الضنه اثكـــل حمـــــل
*********
يام الحسن تهدم جبل ..حيرة علي وكت الدفن
ما باقي للحضنه صدر..كلهن گضن من الطعـن
مسلوبه خاجية الستر..وللدمعه ماظل كل ردن
كلهن بلا روس الجثث..وسدها رگبه بلا متن
ودفن الابـــو بطرگ النحــر ماينحمــل
يافاطمه وفگــد الضنه اثكـــل حمـــــل
*****************
كلمات الشاعر
مصطفى حرب
تعليقات
إرسال تعليق