يامالك روحي
الشيخ حسين الاكرف
الشاعر
تدري وآنه ما ادري.. شلي كامن بصدري
فدوه يالهوﮮ العذري.. يامالك روحي
اسمك علﮮ شفافي.. وهذا الاسم كافي
يامالك روحي
كلبي انفتح حياك.. من وين ابدي اوياك
ما اعيش أنا بلياك.. لحظه هنيه
خيرك يخيرني.. طيبك يحيرني
ميصير تغيرني.. دنيا دنيه
يمكن تبيع الناس.. حبها برصيد انفاس
بس كون ابيع احساس.. ماعندي نيه
يوميه ليليه.. لطفك يجي اعليه
وحبك شرف ليه.. يسوى المنيه
عمر كضيته في محبتك امن الزغر
جميل وذكرياته مثل العطر
وأنا بخدمتي ما طلبت الاجر
ابجي تبتسم عيني.. ادعي تلمع ايديني
بينك الحجي وبيني..يا اغلى جروحي
موهذا موضوعي.. والغايه بدموعي
يامالك روحي
صحرا العمر يحسين.. والجنه شوفة عين
وآنه بهوى ابن القين.. وحدك حسيبي
عشكك عشك ملهم.. عاشك مثل دلهم
لوهو نصيبي الهم.. ارضى بنصيبي
يحسين أنا وربي.. حبك صدم حبي
شفتك جرح كلبي.. وشفتك طبيبي
وياك بنيت احلام.. بالحب كسرت ارقام
شكرا على الايام.. شكرا حبيبي
احن لحزني في الطفوله اطهر حزن
لماتم اول ادفى واجمل حضن
لصوت ابويه في المجالس يون
خله يسمع العالم.. آنه تربية ماتم
دمعي من زمن آدم.. نوح ادرى بنوحي
ياراحم اجدادي.. وياضامن اولادي
يامالك روحي
تبجيك شمس الغروب.. يالجيت تداوي كلوب
بس ماطحت مصيوب.. ماحد اجالك
عايش في كل نبضه.. شايل الف نهضه
لكن عن الرمضه.. منهو اللي شالك
نحري فدا لنحرك.. صدري فدا لصدرك
عمري فدا لعمرك.. روحي فدا لك
يالبيك اظل مهتم.. وياك اريد اللتم
آمر واكلك تم.. كلي حلالك
عطش لخطوه يمك وحنين انفرش
عطش لموتي وانت مرتمي بلا نعش
عطش لزينب وصنعها ليل اهدعش
كلبي خاف وطمنته.. تالي عقلي جننته
كلي من تكون انته.. آه يمذبوحي
نعشك وش اسبابه.. ماينكفل بابه
يامالك روحي
تعليقات
إرسال تعليق