🎤 أداء: مسلم الوائلي
🖋 كلمات: عباس أديب المالكي
~~
حسين يا أبا عبد الله
~
شهد السوالف والمسامع
عندي گلب يهوى المواجع
بكل العوالم عاش حبك
واختار دين اسمه المدامع
يا جرح ما عايف گلبي
يا حبي .. والآمي
طير الگلب عاش بغصنك
وبحضنك .. ايامي
محسسني مو بس اخيامك
الحترگت .. اخيامي
يكينونة گلب سائل
يالمعدل عشگ مايل
صرتلك انه مو للغير
بعذابك والعشگ قابل
~~~
نزلك ربنه النه آيه
ونقراك بدموع الدرايه
للعاصي والمذنب حسيناه
أنا جعلناك الهدايه
باب الله واكبر بيبانه
وإحسانه .. عالوادم
بكل لحضه ما شاغل حالي
ودلالي .. شگد نادم
ما يحكم بعدله لگيته
بحنيته .. هو الحاكم
لگيتك مصدر الرحمه
الضايع جفك يلمه
يأول واحد وما يصح
ينجي العالم بدمه
~~~
أمنه ل الله في هوانه
حبك لگيناه الأمانه
انصونها بدمعة غرامك
الدمعه اعله حب غيرك خيانه
الصفنه الما بيها عيونك
ايخونك .. دلالي
كون من اگولن بس انته
تبقه انته .. بنص بالي
مو مشتهه الحب لا غيره
يا غالي .. يا غالي
الحب متكون بحرفين
الهل حرفين صار الدين
يعني بمختصر ماكو
دين بلايه حب حسين
~~~
اغرب علاماته العجيبه
حبه نعيشه بنص مصيبه
اسمك غزل بس عزل عطشان
وروح الغزل يمك غريبه
كل كلمة حب لمن تطلع
من تطلع .. مذبوحه
تذبحها شفته المفطوره
ومجبوره .. تشب روحه
ياهو اللگاك بضحكاتك
وبسماتك .. مجروحه
بغزل ما يكتمل حبه
يذبحه سهم البگلبه
گلبي شما يريده بخير
اذكر دفنته الغربه
~~~
رازونة جروحه ضواها
تشرق عالگلوب اللفاها
قد ابكى عين الله لا بل
جروحه منو الي ما بجاها
يبجي النشوفه ومنشوفه
وملهوفه .. كل دمعه
عالطايح ومحد شاله
وخياله .. يم ضلعه
لا ما هده گلب الزهره
متوجره .. ومنفجعه
مفجوعه بگلب جمره
شينشف دمعة الزهره
التخاف عليه يحسدونه
تشوفه منسحگ صدره
°°°°°°°°°°°°°°°°°°°°°°°°°°°°°°°°°°
تعليقات
إرسال تعليق