نبــدي بسـم رب العـزاء
بسـم النحــر وخيــامه
من نور طينة كربــلاء
ربك خلق لطــامه
عــالـسلبوها اعـمامتـه
صار اللــطم عــالهـامه
عاشــور ردنا مو شـهر
كـون الف عام ايــامه
ندعي ابهضـم .. ماننــحرم .. من البچــي ومن اللــطم
كلـما اشـوفن خـيمة تچــويني النــار
وابنـي ابدمع عيوني خيمـات اصغار
لبيك لبيك .. يا أبا عبدالله
لبيك لبيك .. يا أبا عبدالله
يــحسين يــحسين
2. حـِزنك رسـالة من العـَرش
بالطف قـرينا آيــه
لو مامُصيبة كــربلا
ماتنـخلق بچــايـه
يـحسين يخنگنه الهوه
المابي لـطم وقرايــه
الــيبچـيله دمعة بالحشـر
صفحة اعماله امـرايــه
الدمع انحسب .. يسـوه الذهب .. والخـاطرك راح التعب
بسمك ينبض گلبي
وعيوني اتصيــح
غيرك مايستاهل
كل دمعة اتطيــح
لبيك لبيك .. يا أبا عبدالله
لبيك لبيك .. يا أبا عبدالله
يــحسين يــحسين
3. وين الگه لجروحك وطن
يا وطن كل اجروحي
مثلك حبيبــي ينكتـب
ليش انكتب مذبوحــي
عين وخذو منها الضوه
يــحسين دونك روحــي
الوادم تعيش اعله النفس
وانا اعيش ابنـوحـي
ياكل هلي .. وخيمة إلي .. ممنون إلك يابوعلي
الما يلطم بچفوفه وي هاي النــاس
كل اسنينه مقصر ويه العبــاس
لبيك لبيك .. يا أبا عبدالله
لبيك لبيك .. يا أبا عبدالله
يــحسين يــحسين
4. جبــريل يصرخ بالســما
الحضرت عزا هــنيالها
اهل اللــطم يوم الحشــر
يـم الزچيــة اَعـمالـها
إنا إليـها راجـعـون
امأمنين ابجــالها
تـشهد علينـا فـاطمــة
ياما لــطمنه أگــبالـهـا
يـوم الفــزع .. تحنــي الضـلع .. وتصيــح وين أهل الدمــع
ما تـحتار الشيـعة من النـاس اتحـير
ونفوت اعلى الجنــة ابمــوكب تطبيـــر
للــشـاعر الحُسيــني : كرار حسين الكربــلائي
تعليقات
إرسال تعليق