كلمات الشاعر. محمد المـ والي

ياعمه لو اني رحت.. وياكم وبالطف جنت

وعيونج جا هسه متت.. ياعمه ياعمه

ياعمه سولفيلي.. اكو حسره بدليلي

ابوي العافني وراح.. لوآني العليله

دخيل الله ودخيلج.. عمه شماله حيلج

وجهج اصفر اللون.. واطرافج نحيله

عمه السكته تذبح.. فدوه حاجيني

تره كلبي انمرد.. لالا تبجيني

بعيوني مرسومه صور.. مااحمل افراك وقهر

عفتوني وكليبي انكسر.. ياعمه ياعمه

بنت روحي كعدي.. هواي جروح عندي

ابدي من النهر راح.. والشاهد هلالي

ركض من شاف الحسين.. وكع وانطاني جفين

يكله على الشاطي مطروح.. ويكلي تعالي

اطلعت من خيمتي اركض واصب دمعي

وابوج حسين كلي لخيمتج رجعي

من شفته من طولي طحت.. الحكني ياخويه صحت

ماجاني وهنانه متت.. ياعمه ياعمه

ياعمه هايه قصتي.. جرح كلبي وصفنتي

عتب عندي ويه الهلال..من كونه ولا هل

تجدد ذكرياتي.. وتجي ساعة مماتي

من اشوفه واذكر الصار.. انا اتمنه الاجل

عمه لو دريتي اشصار بالعاشر

شفت جلد الصدر ملزوك بالحافر

وما كفه كطعة منحره.. فارس اجه يكص خنصره

ياعمه كل هذا الجرى.. ياعمه ياعمه

مدونة كووولشي وكلاشي عراق