القاسم ابن الحسن عليهم السلام
ماكو زفه ولا شمع
صارت الحنه دمع
يمه اذكريني
من يوافيني الاجل
اقري هذا المستهل
يمه اذكريني
...
حلمچ تزفيني بيدچ والحلم اصبح سراب
فرحة ايامي ييمه ماي وتبده بتراب
مستهل يجرح گلبها الوالده الفگدت شباب
من تودعيني
يمه اذكريني من تمر زفة شباب
من العرس محروم حنتي دم المصاب
شمعة شباب من يطفوها
حنتي دمي والجفن ذاري التراب
اني رايح ما ارد
شاب وبعمر الورد
ذبلت سنيني
دمع عينج لو همل
اقري هذا المستهل
يمه اذكريني
...
ألا من ناصر ينادي صاح عمي وافزعت
هذا سيف الحسن بيدي وبدماي اتبرعت
ما يذل ابنج ييمه من ثدي النيبه ارضعت
منك
فدوه من يجري الدمه
قُربةً لفاطمه
اوگف لديني
سيف بالطف لو حمل
اقري هذا المستهل
يمه اذكريني
...
الدهر يعلگ الف شمعه خلها تطفي شمعتي
بذمتي دين الشهاده وكون ابري ذمتي
بالوفه وصوني اصلي ولازم اوفي اوصيتي
اهلي وصوني
أهـلـي وصـونـي بـالـوفـا يـوم الطفوف
مـن دم وريـدي يـصـبح خضاب الچـفوف
هـذي وصـيـتـي يـالـتـسـمـعـوهـا
حـنـتـي دمـي.. والچـفـن ذاري الـترا
امي يا طلعة فجر
ادري گلبج ينكسر
من تودعيني
وگفتي مضرب مثل
اقري هذا المستهل
يمه اذكريني
...
اشلون اعز دمي وحياتي وعمي بالحومه وحيد
لازم اخذ ثار الاكبر وابنچ تعرفينه حيد
يوم المبارك ييمه اصبح بديني شهيد
يوم المبارك
يـوم الـمـبـارك أصـبـح لـديـنـي شهيد
وافـزع لـعـمـي مـن يـضـل بالطف وحيد
ورمــلـه بـمـصـابـي خـل يـواسـوهـا
حـنـتـي دمـي والچـفـن ذاري التراب
وراس ابوي المجتبه
كون اوفيج الربه
يالتحشميني
الموت احله من العسل
اقري هذا المستهل
يمه اذكريني
...
آنه صِل رابي بفيافي وصارمي موت الزلم
بعيني من اخزر سماها يطيح من عدها النجم
حسين ديني وما اعوفه انه بديني ملتزم
ملتزم ديني
صـاح أنـا بـديـنـي مـلـتزم فرع وأصول
أفـدي وجـدانـي والأجـر عـنـد الـرسول
وامــي الــزهــره خــل يـهـنـوهـا
حـنـتـي دمـي والچـفـن ذاري الـتـرا
ملتزم فرع واصول
لو عطش دين الرسول
نهر تلگيني
بعيني لو لاح الزعل
اقري هذا المستهل
يمه ذكريني
...
المعركه ميدان غيره ما تطبله بس اسود
الضحه لجل حسين عمره ينمنح تاج الخلود
الدم وفي والوفي شانه ينعدم بيه الوجود
والوفه شانه
والوفه شـانـه يـنـعـدم بـيـه الـوجود
وآنـه وجـدانـي يـغـتـنـم جـنـة الخلود
نــيـتـي بـديـوان جـدي كـتـبـوهـا
حـنـتـي دمـي والچـفـن ذاري الـتـراب
لچن يم گلب الحنين
من اشوفج تنسبين
الدنيه تسبيني
من تودعين الاهل
اقري هذا المستهل
يمه ودعيني
...
خادم الحسين عليه السلام
كرار حسين الكربلائي
( ابو كميل)
تعليقات
إرسال تعليق