ياحلم كل الليالي
اداء مسلم الوائلي
كلمات حمزة الحسناوي
ياحلم كل الليالي.. طيفك الشاغل خيالي
ياوليدي مو بيدي.. وعيونك شاغلي بالي
شيقنعه گلبي الماسمع.. بسوالف الفرگه
خيطته جرحي بها يجي.. والما يجي تفتگه
گلبي ولا شايف جفه.. لو ملگه لو ملگه
شتفيده من يشتم هوه والمغرب يخنگه
ماصدگت ياحسين من عندك جروحي
وانت الﭼنت وياي اقربلي من روحي
يابعد عمري وبنيني.. فدوه الك كونك تجيني
ياغالي.. ﭼـتالي
ياوليدي.. شاغلي بالي
***********
لو شده تگضي بيا علي واحسبها مگضيه
آنه البقه ثوب ودمع بس روحي ما هيه
من تعطش اعطش وحدي يبني العشگ نيه
هنه السيوف بمنحرك بس الوجع بيه
لا بالبزر ياحسين لا افكر بناسي..وطيوفك امن تفوت اشبگهن براسي
يابني وصيت النشامه.. لحد يردلي بسلامه
يفدونك ...وعيونك
ياوليدي.. شاغلي بالي
********
ماكو اكبر من الماكو حد وانت اكبر هوايه
گالولي تعطش والنهر عنك يضم مايه
بس ابن ذاك اليحط فوگ الرگب رايه
نحرك نزف حد ما طلع من عند مشايه
باﭼـر مناره تصير وتخضر الهيمه
ويرجع گمر عباس غصباً على الغيمه
وآنه ولدي وتعب اديه.. انته اعز منهم عليه
خدامك.. گدامك
ياوليدي.. شاغلي بالي
الليله هم محد يجي وهم ابقى محتاره
هم اطلع انشد بس سرج ما احصل بشاره
وشلون ارد مثل الرجع ما ماخذ بثاره
كون انگطع نحري وعلي ولا گطعة اخباره
يعبر علي الليل ويفزز ونيني.. مايگضي اله اطيح من الدمع عيني
ياهو من عدكم مشاله.. ياخذ عيوني برساله
لو اشوفه.. ماعوفه
ياوليدي.. شاغلي بالي
تعليقات
إرسال تعليق