ياراكضات من الخيم ذاك الحسين كبالجن
فييلّه من حر الشمس وينام حدر خيامجن
ياراكضات من الخيم ذاك الحسين كبالجن
شمس الظهر تلسع لسع والنار حدر ثيابجن
ياراكضات من الخيم ذاك الحسين كبالجن
حفاي بالحومة وعطش فزز الموت صياحجن
ياراكضات من الخيم ذاك الحسين كبالجن
من الضرب لون العبي صار احمر من سياطجن
ياراكضات من الخيم ذاك الحسين كبالجن
زلمتهم اليوصل لحد طرف العبه وخيامجن
ياراكضات من الخيم ذاك الحسين كبالجن
حيرة التجن ياحرم لوذن كتر عباسجن
ياراكضات من الخيم ذاك الحسين كبالجن
طلعوا بغيبة گمر ذوله اصبحوا سرايجن
ياراكضات من الخيم ذاك الحسين كبالجن
انتن بنات المرتضى وسفة بخرابه حاطجن
ياراكضات من الخيم ذاك الحسين كبالجن
بالشام مامش مرجلة ومحد يحل حبالجن
ياراكضات من الخيم ذاك الحسين كبالجن
محد يحامي آل النبي بلكي استحه من اجداتجن
ياراكضات من الخيم ذاك الحسين كبالجن
كل ال اميه الفگره( القذره) فدوة التراب اجدامجن
ياراكضات من الخيم ذاك الحسين كبالجن
كلمات الشاعر ابو شجاع الفياض
تعليقات
إرسال تعليق