الوصف
غريب من دونك | الملا عمار الكناني - إصدار محرم الحرام لسنة 1444 هجرية - 2022 ميلادي
*{غريب من دونك}*
حسين وعيونك
غريب من دونك
هواي..غلاي..مناي..ضواي..حسين
اغيب تفگدني
اروح وتردني
قريب..مجيب..حبيب..عجيب..حسين
١/قرآن اشواگي وعشگي حسين المبين
يمحلي الدنيه ابعيني ولون السنين
اشهد أن ماكو حبيب إيشبهك حنين
والعالم بدونك سراب
والكون ابغيابك خراب
وسنين اليعوفك تراب
سلام على صبرك
وحيد واشكثرك
مدود..ودود..وجود..خلود..حسين
ربيت على جودك
اعيش على مودك
اطوف..اشوف..عطوف..رؤوف..حسين
٢/سلطاني حسيني وحاكم گلبي الوحيد
ماعيش ابكيفي ابكيفك اعيشن اريد
لو موت ابحبك اموت واصبح شهيد
عودني ابغرامك اهيم
واحرگني ابودادك هشيم
مو هسه عشگتك قديم
هويت واتغزل
حبيب ماينمل
بديع وديع شفيع سميع حسين
وعيت على خيرك
حرام حب غيرك
كريم..حميم..عليم..نديم..حسين
٣/لميت احلامي وشوفي وروحي ابجفاك
على ناگة دمعي امهاجر للطف وراك
امغمض واندلك حافظ ريحت هواك
صحراء وخيامك خضار
بالظلمه واشوفك نهار
مو بالسر احبك جهار
اجيك متوسل
عليك متوكل
فداك حمال رضالك علاك حسين
سرور غامرني
عطوف ساحرني
جمال..دلال..وصال..جلال..حسين
٤/اطرق على باب اجفونك وانته الحنون
افتحلي اعيونك واذن لي بالجنون
انه لو ما انته اوياي انه معدم اكون
كلشي ابلا وجودك فناء
وبقربك لگينه البقاء
يحسين انته ثامن سماء
انوح لجروحك
اسير عد روحك
بكاء..دعاء..رثاء..رجاء..حسين
ربيع بسنينك
اموت على دينك
امير..مجير..كبير..بصير..حسين
*الشاعر علي عويز الشويلي*
غريب من دونك أداء: الرادود الحسيني #عمار_الكناني كلمات: الشاعر #علي_عويز_الشويلي إصدار استوديو شهر محرم الحرام لسنة ١٤٤٤ هـ - ٢٠٢٢ م مونتاج وإخراج: نشوان النصراوي الهندسة الصوتية والتوزيع: حسين نجم تسجيل الصوت: علي ميرزا التصوير في: إستوديو مؤسسة العطاء - كربلاء إنتاج: قناتي العقيلة وأم البنين الفضائية النشر الشبكي: علاء بركات العاملي - علي الفاطمي جميع الحقوق محفوظة للقناة الرسمية للرادود الحسيني الملا عمار الكناني
تعليقات
إرسال تعليق