شكراً ابا عبدالله.. شكراً ابا عبد الله
مربيني من الزغر.. مدللني وكت الكبر
وبخيرك عايش عمر.. يالغالي لك الشكر
ماابتعد عن خدمتك لو لحظه.. اسمك اذا گلت النفس يتوضه
وشكبره حظي لو عليه ترضه
مسكينك ياكافلي.. آنه عبدك وانته الولــي
ممنولك يابو علي.. هالخدمه هيبه الي
يابو علي هالخدمه تاج براسي.. وبمجلسك ماتنحسب انفاسي..
انت الملك سلطانك بأحساسي
حبيتك شاني اعتله.. ومن جيتك كتلي هله
واعرفتك في كربله.. موطن للضيع هله
ليش من اكول اسمك انوحن سكته.. شكرا لأن هذا العبد وفقته
مااسوه شي بالدنيا لوما انتـه..حبيبي حسين
مثلك ابد لا مايصح.. يابو علي عشتك جرح
واتخيلك يالمنذبح.. راسك عله فوك الرمح
جسمك درب للخيل والخياله.. ماشفنه مذبوح ويباري عياله
هنياله من عاشك جرح هنياله
تعليقات
إرسال تعليق