((قصيدة ليلة مسلم))
كلشي صاح وماتجون
غدرو المايستحون
لاتسافر لاتهاجر
بويه بويه
()()()
1
تعال شگد بچيت اريد ترد الي
عليك انه اشتكيت يبويه يم هلي
اذا گتلك أموت صدگ لوما تجي
عتب گلبي عليك واعرفك مبتلي
ويلي بويه يلحبيب
كلشي بفراگك غريب
گلبي صاير ماله خاطر
بويه بويه
كلشي راح من العيون
غدرو المايستحون
لاتسافر لاتهاجر
بويه بويه
()()()
2
رجف گلبي عليك يديوان الدفو
حميده وكلي شوگ وعيش بلا أبو
الجرح ضل يحچي حيل العفو بويه العفو
رحت ماضلي بيت عشت عيشة بدو
طفله ما اعرف انوح
انه ميته وبيه روح
ويامن احچي بدونك أبچي
بويه بويه
كلشي راح من العيون
غدرو المايستحون
لاتسافر لاتهاجر
بويه بويه
()()()
3
يمسلم لاتروح اليتم فاتحلي باب
زغيره عيوني حيل وكبر دمع الغياب
رحت والدنيا خوف ويطاردني العذاب
بغيابك ميته حيل عليّ طش التراب
دموعي متخليني أشوف
وگوّه توصلها الچفوف
گلبي طايح ونته رايح
بويه بويه
كلشي راح من العيون
غدرو المايستحون
لاتسافر لاتهاجر
بويه بويه
()()()
4
يروحي شبيها روح بغيابك ماتطگ
شمع بس ماگضيت شكثر بعد احترگ
يگلبي اسكت عليه بعد المن تدگ
اعرفك ماتعود وگلت لا مو صدگ
لازعلت ولارضيت
ولا صبرت ولا إجيت
هنا بدينه ومنتهينه
بويه بويه
كلشي راح من العيون
غدرو المايستحون
لاتسافر لاتهاجر
بويه بويه
()()()
5
يليل أگصَر يليل عسى يجيبه الصبح
وتجي وكل الضنون اعله بابك تنذبح
ابوي وروحي بيك الك جيه تصح
دمع اوگع عليك وفز من الجرح
الدنيه ريح وانه طير
عيوني فقره ونته خير
بويه عاود لاتباعد
بويه بويه
كلشي راح من العيون
غدرو المايستحون
لاتسافر لاتهاجر
بويه بويه
الشاعر
فاضل حسن
تعليقات
إرسال تعليق