كلمات الشاعر
السيد رفعت الصافي
صلن صلاة الليل.. بين الخيم والخيل
ٲدن فرضهن..وماتن بعضهن
بالليل ....بالليل
عشرين امراءه.. ماسلمت رئه.. من الدخان
كعدن عالثره.. وسون دائره.. اعله الوليان
وصوت ام الشرف ذاك البالطرف ابني جان
ومن طاري النبل وجه ام ااطفل ينطي الوان
شگد ناغتله.. شگد سهرتله.. شگد لولته
عالمهد شمسوي ويذبحوك.. يالماشفت كاروك
حسره بقلبهن.. ماتن بعضهن
بالليل
شايف صدمتك من تخسر بشر روحك بيه
تگعد وحدك تتخيله عدل وتحاجيه
رمله بكربلا جاسم بس جسد وتحنيه
وبثياب العرس تمسحله الدمه وتغطيه
يادمعتها.. وياشمعتها.. وياحسرتها
عالعرس
رد كله دم وعظام.. محبس عرس جسام
منظر فجعهن.. ماتن بعضهن
بالليل
طفله اويه الحرم تقرا الفاتحه للتسهيل
كاتلها القلق وگفت بالوسط بس تميل
بابا مارجع مو گلبي انشلع دمعي يسيل
واعدني ورحل ياموت الاهل حمل اثگيل
آنه الگتلك.. محتاجتلك.. مشتاقتلك
والدي
جيبولي بابا تصيح. الكل يم رقيه ايطيح
مايرجعلهن.. ماتن بعضهن
بالليل
گلب الام ترف بالحب يختلف مابي باب
يسد اذن الصخر من تنعه الصبح عالغياب
ليلى الثقفي من شافت علي الاكبر ذاب
صاحت يولدي مو گلبك تره گلبي انصاب
تگوم وتعثر.. ام الاكبر.. ليش موذر
ياعلي
شيصبر ام الشاب
لوغطه وجهه اتراب
ليلى تهمهن.. ماتن بعضهن
بالليل
من قلب الحدث مصباح اهدعش من عاشور
كوكب عالرمح يبحث عن مره وراسه يدور
كلما تنضرب زينب بت علي نحره يفور
يعاين لخوته وتنزل دمعته شگد مكسور
تون وتعاني.. وين اخواني..ونصفي الثاني
كافلي
كلما طفل ينداس.. يهتز رمح عباس
وحسره اعله عمهن..ماتن بعضهن
بالليل
حداي الظعن صاح اتجمعن لا اغتاض
وانطاهن امر يسحگن عالجمر بس اركاض
وتراب الارض من كثر الركض بالدم فاض
وصعدن عالهزل بدفوف وطبل واستعراض
ياغربتهن.. ياوحشتهن.. ياصفنتهن
عالهزل
والتعترض تنگاد.. من الناگه للجلاد
كضمن غضبهن.. ماتن بعضهن
بالليل
تعليقات
إرسال تعليق