انذار
الرادود | ملا محمدفريدون
الشاعر | علي السقاي
انذار
قبل انتهاء الواقعه.. شالت لوا الطف
لاخايفه ولا خاضعه.. وبجفها رفرف
اصرار.. بيها وعزم
انذار.. لليفتهم
هاي الحرب ماخلصت.. النار
هاي اللي ما الها مثل.. زينب رغم كل ما حصل
صعدت على التله جبل.. بين المجازر
العاشر نعم بيها قسه.. وصح هي صلت جالسه
لكنها وقفت عابسه.. بوجه العساكر
ماخلصت الطف والملاحم.. خل ينتبه كل طاغي ظالم
للحق يعاند
لمن خلص دور الهواشم.. تالي ابتده دور الفواطم
والحره قائد
ابحرب الله وي زمرة هبل.. ظل ينزف الدم
والمعترك تالي انتقل.. صوب المخيم
والنار.. لا تبتسم
انذار.. لليفتهم
هاي الحرب ماخلصت.. انذار
هالمعنى منهو يصدقه.. الحرمه الايديها محرقه
دين الله بيديها بقه.. انعم واكرم
شما فرضوا الذل ماتذل.. هابوها كل ردت فعل
هاي اللي رب بو الفضل.. بالثوره تقدم
هاي اللي معروفه بنسبها.. عدها علاقه ويه ربها
ويسمع دعاها
لوطالبت لبى طلبها.. ارض وسما اعليهم قلبها
تملك وجاهـه
الحبل اعله معصم بت علي حين الذي انشد
نار الله صارت تغتلي وبعزها تشهد
جبار.. صاغ الاسم
انذار.. لليفتهم
هاي الحرب ما خلصت.. انذار
بدور البطوله الزينبي.. منهو التوقع بالسبي
تصير انتصارات العبي.. وبالسيره تبقه
لو عالعدو سهل الامر..ماينزعج شمر وزجر
والشاهد بمتن الطهر.. مو سهله زينب
ضرب السياط المايهمها.. غصبن عليه شاد بعزمها
واثنى عليها
براس الصمود اصبح اسمها.. وراد الالم لو يحترمها
مايدني ليها
قبال الزلم حين اوقفت صاح الشرف بس
حتى الدواوين استحت بيها الحجر حس
والعار.. صاب الزلم
انذار.. لليفتهم
هاي الحرب ماخلصت انذار
بالكوفه موقفها اتضح.. ابن زياد اذا يحجي انفضح
جن قطعت الحبل وصبح.. بيده حبلها
ماجنها هيه الباليسر.. للشام اجت كالمنتصر
ذلت يزيد وهالقصر.. دنق لاجلها
زينب سلام الله اعله زينب.. بحور المدح يم عزها تنضب.. هاي العقيله
مهما جرى اعليها وترتب.. تبقى وتظل للعزه مذهب
ماهي ذليله
تعليقات
إرسال تعليق