الرادود حيدر البياتي// باختصار كلمات مكتوبة

 

اداء والحان #الرادود_حيدر_البياتي النجفي كلمات الشاعر وسام الشويلي

قصيدة " باختصار "

الرادود : حيدر البياتي

الشاعر : وسام الشويلي 

- من أصدار محرم الحرام 1444 ه‍ للرادود حيدر البياتي - ²

يا غيــاب .. بس عذاب

يبچــي الشـــايل بعينــه جــرح

راعي ثـار .. بإختصـــار 

عايش أيامك سبي ورأس برمح

المن خيم زينب هواه

شـي أكيد أنفاسه - آه - 

    - بإختصـــار -

مرسـوم الطف فوگ عيونك

كلشي يلچمك حتى شلونك 

ســوط همــومك هد متونك 

- فوك شفافك .. ديره من العطش - 

غَرِيب .. كــل مسـافاتك حزن

غَرِيب .. صبرك معيشك سجن

غَرِيب .. وأنت ليلك من يجن ليلة العاشر

عفية روح .. بس جروح 

سَــالفتهن كل مصايب كربله

ما تنــــام .. و الخـيــــام

طايحه بعينك و زينب مُعوله

الصـارن دموعه غطاه

شـي أكيد أنفاسه - آه - 

    - بإختصـــار -

كـل أحــوالك لا مـو سهلـه

وكتـــك صاير رگبـه و نبله

يحسين أنت و ذبحو طِفله

- دمعك يشبه .. دم نحـر الطفـل -

سِنين .. تعطش وتشرب بچي

سِنين .. على جروحك منتچي

سِنين .. صفنتك كلها حچي عن خدر زينب

بلايه حيل .. بـ دنيه ليل

تدوّر على چفوف يم شاطي الوفه

گمر غـاب .. و العتـــاب 

طــول زينب گــبل محّد شـــايفه

الضاع ذِخره و ما لگـاه

شـي أكيد أنفــاسه - آه - 

    - بإختصـــار -

عن سـَاعاتــك كلمن يســأل 

مره بخيمه و مره اعله التل 

چـَنك زينب وكــت المقـتـل 

- تشوف حسينك .. على صدره الشمر - 

شِعور .. فقط أنــت تــوصّفه 

شِعور .. گطع رأس من الگفـه

شِعور .. لليتامه الخايفه و الخيم تلهب 

شباقي بيك .. و اليجـيك

يلگه بيك خيام حارگها الشمر 

و بيك خيل .. تدوس حيل 

وناگه هِزله و فوگهـا أم الخدر

السهمه طالع من گفاه

شـي أكيد أنفاسه - آه - 

    - بإختصـــار -

.