ليش عفتونه اصدار بكاء الفاقدين كلمات الشاعر تحسين الخفاجي اداء علي المسلم الحان علي المسلم
ليش عفتونه.. ليش عفتونه
يالنسيتونه.. يالنسيتونه
وحشه الدار الدار الدار
وماكو اخبار اخبار اخبار
وعذبيتونه عذبيتونه
*****************
كضيت الباب ورديته
وكل دمعي اعليكم بديته
بيه شلون
ي الفرگتكم موش شويه
منكم محد مر اعليه
لا تگطعون
بالباب گمت انتظر مليت من الهجر
كافي اتعلعل عنكم اسأل.. وين وين
گوه اجر النفس لجمات گلبي انترس
زاد صوابي وصحت احبابي.. وين وين
ضيعيتونه ضيعيتونه
********************
دمع العين يريد ملاگه
وآنه الشوفتكم مشتاگه
يالماشين
رحتوا وظلت بس ريحتكم
شيصبر گلبي بفرگتكم
ابدي منين
مو جنه نگعد سوه.. جا ليش شح الهوه
شاغت روحي وخضره جروحي.. آه آه
بعيوني مات الحلم.. بوجهي الحزن منرسم
گلبي اتگطع وبصدري اسمع ..آه آه
حمل ضعونه حمل ضعونه
*****************
تدرون اعله الضيم زغيره
آنه بگلبي شكبر الحيره
يالغياب
فارغ ظل يابويه امجاني
لا طارش من عدكم جاني
ودگ الباب
آنه العليله صحت.. جم مره گمت وطحت
دمعي ينادي.. وعني الحادي ..راح راح
بويه ارحم بنيتك.. ماتنحمل فرگتك
طول ليلي.. وعگبك حيلي.. راح راح
ماتمرونه ماتمرونه
تعليقات
إرسال تعليق