شهر الاحزان
يبعد الشوف والعين هله يا شهر الحسين
صحنه بروح عطشانه
يا حي الله من يانه
هله يا شهر الحسين
...
محرم جاينه وحي الله من جاي
عطشانين كلنه وجيته ماي
شهر الدمعه مشتاگين اله هواي
گبل لا يهل متحضره الخدم هاي
اذا ماكو محرم يناس الكون اظلم
عدنه مجلس حسين هو السر الاعظم
الحياة بلا مجالس
تره ما بيها واهس
الخادم فتح بيبانه
يا حي الله من يانه
هله يا شهر الحسين
...
محرم كل سنه نحسبله ايام
العشره الاولى نتمناها الف عام
نتباهه اذا سمونه خدام
عدنه الثوب الاسود مثل الاحرام
نريد الكون يفهم شنو معنه محرم
الدنيه بغير عاشور تره تشبه جهنم
محرم والمآتم
تسوينه اوادم
كلشي يصيح ويانه
يا حي الله من يانه
هله يا شهر الحسين
...
محرم خيمة العشاگ يا ناس
اذا شح الهوه نشتمه انفاس
العواذل خل تطگ الراس بالراس
خدام الحُسين بعين عباس
الكفل ذيچ المحامل .. تره لخدامه كافل
يفزع لمن نصيح دخيلك يا ابو فاضل
بعسرنه وبيسرنه
الگمر لازم ظهرنه
هيچ العشگ ربانه
يا حي الله من يانه
هله يا شهر الحسين
...
محرم رحمة الله لكل الشهور
شكبر حظه التگله الزهره ماجور
تره ماكو صلاه لو ماكو عاشور
صلاتك ثبتاها حسين بنحور
الدين بغير الحسين تره ما يسوه فلسين
ابو الاكبر يهالناس هو الدنيه والدين
حُسيناً واحسيناه
نعيش نموت وياه
محرم خيره غطانه
يا حي الله من يانه
هله يا شهر الحسين
...
محرم يعني باب الله الچبيره
والتنتظره بس العدها غِيره
غير حسين محد نستشيره
هوَّ شيخنه واحنه العشيره
ما نحتاج للغير .. حسين النعمه والخير
مو بس البشر هاي .. زاده مشبع الطير
كلت منها الملايين
چبيره سفرة حسين
بدربه نصيح تلگانه
يا حي الله من يانه
هله يا شهر الحسين
...
خادم الحسين (عليه السلام)
كرار حسين الكربلائي
ابو كميل
تعليقات
إرسال تعليق