شِـفـتَـه ابـعيني يا زينب .. نـايـم عـالأرض الأكبر
گِلتله يبني گـوم اِرجَع
سِكت ظنيته ما يِسمع
خايف عالوِلَد يختي
خايف
-
(١)
من طِلَع يِـزهـي جَـمـالـه
الأكـبـر الـسـاحـة قِـتـالـه
چِنْت اَتِبعَه خُطوه خُطوه
اُو غـاب عن عيني خَياله
طِـلـعَـت اَركِـظ وادور اِبني ويـنـه
شِـفْـتـه عـالأرض واتصدلي عينه
گلتله اسم الله يبني اُو مَـد اِيدينه
اَسِأله اُو بَس يِـجـاوبـنـي اِبـوِنينه
كِسرني من شِفِت نحره .. الأبيض يَختي صار أحمر
سِألته هل جَـرِح يُوجَع
سِكت ظنيته ما يِسمع
خايف عالوِلَد يختي
خايف
-
(٢)
اِحضَنِت راسه اُو گمت احاچيه
يَـختي بـس مـاكـو نَـفَـس بـيـه
گِـلِـت يِـمـكـن اِبـنـي غـافـي
نِـمِـت عِندَه اُو گمت اَنـاغـيـه
هِمَست اِبـإذنـه آنـه حسين يبني
تِـدلـل يا عـلـي شِـتـريـد مـنـي
اِذا عَطشان اِخذ كل ماي جِفني
سـكـوتـك يـالـوَلَـد والله ذِبحني
يزينب اِبني ظَل سـاكـت .. وانا انـتـظـره واتصَبَر
اِبجِفني دَمعتي تِـلـمَـع
سِكت ظنيته ما يِسمع
خايف عالوِلَد يختي
خايف
-
(٣)
أكبر جـروحـي الـعِـشِـتـهـا
اُو مِـن نِـظَـرتـه اْتـذَكَـرِتـهـا
قَـبِـل سـاعـة مـن إجـانـي
اُو شِـفِّـتَـه اْمجَرحَه شِفِتها
انـا اْبـحِيره چِنِت يَـختي اَنُظرَه
عَطشان اُو دِليله اَدري جَـمـره
گلتله الـمـاي أجِّـل يَـبني اَمـره
حِنَه راسه اُو شِفِت بعيونه عَبرَه
حرام المِثلَه لو يِعطش .. اُو جَده ساقيِ الكَوثَر
مِنيْته امنِ العَذِب اَسرَع
سِكت ظنيته ما يِسمع
خايف عالوِلَد يختي
خايف
-
(٤)
نــاشَــدِت اُولاد عَــمَــه
يِـحـمِـلـونـه الخيمة اُمه
لَـچِـن يـا زيـنـب فِجَعني
عـالچِتاف اِيـسيل دَمَـه
يَـزينب خـايـف اُمـه لـو تجيله
مـا تِحمِل مُـصـايـب بعد ليلى
ترى طَـبـرات جِسمه مو قليله
أخاف اِيـطـيـح منها لـو تشيله
اَتـحَـمَـل حِـزِن گلبي .. لَچِن حِزن اُمه ما اَقدر
گلُب ليلى فـلا يِـهـجَـع
سِكت ظنيته ما يِسمع
خايف عالوِلَد يختي
خايف
-
عبداللطيف خالدي
تعليقات
إرسال تعليق