راح ابني
ميرزا محمد الخياط
الشاعر.. مصطفى العيساوي
يايمه الولد يمه..يايمه الولد يمه
تسع اشهور شايلتك.. وليل السهر تعبني
من قد ما الولي اعليك.. ظهري والمهد محني
ناغيتك بحب حسين.. اكبر يالولد يبني
يابعد الشوف يوليدي.. قلب ملهوف يوليدي
ضميتك ضوى بالعين.. خاف تروح يوليدي
دنيه بلا ولد ظلمه.. يايمه الولد يمه
اكبر حتى اقل للشيب.. عندي اوليد من اكبر
واحسبلك ايام ايام.. مابين البرد والحر
ليش من احلم بعرسك.. قلبي اعليك يتحسر
بديه اشموع يالغالي.. طفتها ادموع يالغالي
حلم مابيه ولد عريس.. كل ليله ايتراوالي
خوف القلب شيضمه ..يايمه الولد يمه
حلو طولك يابعد امك.. بيك تسولف الديره
تشبه عمك العباس.. نفس الهيبه والغيره
اجتني كربلا وناديت.. حيره يالولد حيره
صحت بصوت يعيوني.. فراقك موت يعيوني
شلونج من يسألوني.. شقولن بعدك شلوني
ابات الليل منهضمه..يايمه الولد يمه
يعريس السيوف اشموع.. وآنه بجفي زفيتك
ياسك جان ريحة موت.. وبدمعاتي حنيتك
رجعت لخيمتي مذبوح.. محنيه تلقيتك
بجيت هواي راح ابني.. يادنياي راح ابني
خذت من كربلا بعاشور.. يبني واخذتك مني
موتك نايبه عظمى.. يايمه الولد يمه
بس الراح منها اوليد ..تدري شبيه مابيه
لابنها الام لون تشتاق.. تشم اهدومه يوميه
للمقبره شاب انطيت.. احلى امن القمر ضيه
اذكره بنوح كل مغرب..وابجي جروح كل مغرب
اتاني و دمعتي امن تطيح.. مايرجع بعد تكتب
جدك مارعو حرمه..يايمه الولد يمه
تعليقات
إرسال تعليق