ممكن اسالك وانطر جواب.. يحسين احبك تقرا حبي
والله آنه اعرفك سيد الاحساس.. لكن ليطمئن قلبي
******
يالمن الله لقيته.. ماشفته وحبيته
مازال آنه عايش اقلك احبك
خل ايدك على قلبي.. وتشوف شقد حبي
حايط بيت اشوفه شحلاته من اكتبك
ماكو اجمل من احساسي.. من ارفع رايه اعله بيتي
واطلع بالموكب وابني.. وانصب منبر عزيتي
والبسلك ثوب الاسود ..حتى تبين هويتي
والخدمه قضيتي
شتسوى الحياة ابدون الحسين..وهنياله اليقضيها مسبي
بلا دعوه ترفع شأني عالناس..لكن ليطمئن قلبي
**************
الصوره التشبهلك.. بيها اشقد انظرلك
صح مو واقعيه.. لجنها حنينه
وجهك كل حب شفته.. اجمل انسان انته
شايل ابتسامه.. وعيونه حزينــه
يحسين وتحله ايامي.. من اخدم بالمواكب
وي خدامك تلقاني.. صاحب يسند لصاحب
شاب بصف شاب يخدمك.. ولازم ويانه شايب
يحشمنه ويراقب
اذكر حبيب امن انظر عليه.. تنزل دمعتي وانسى تعبي
لا مااسألك ارفع الراس.. لكن ليطمئن قلبي
********
خليني بهالخدمه.. لا تحرمني النعمه
خليني اعيش واموت اعله ايدك
حسين ولو حل موتي.. لا تترك تابوتي
لو هالو ترابي عليه اريدك
ثلث حاجات اطلب منك.. ياالمترد الحياره
ياحسين الحب والخدمه.. وماتحرمني الزياره
تعرف باليبعد عنك.. اظلم يصبح نهاره
وادموعه شعاره
ياحاء وسين وياء والنون.. مابي مواكب ماهو دربي
بدربك اقارن ماكو مقياس.. لكن ليطمئن قلبي
***********
رافعني اعله الوادم.. ويسموني الخادم
ياحسين وخدمتك جبيره عليه
مو بس من خدامك.. حط بقلبي اخيامك
خيامك خلها تحرقني مو بس رقيه
عيشني جروح العاشر.. راويني التريده
مثلاً من انت اتدور..عباس وتلقه ايده
خل تخلص كل سنيني.. ابالي المشهد اعيده
وابجي بكل قصيده
والقه الرقيه صوره بالماي.. وابجي واكلها انتي شربي
تحسبني جندي ادري عباس.. لكن ليطمئن قلبي
**********
كلمات الشاعر
ميثاق الحمداني
تعليقات
إرسال تعليق