*زينب وخروجها من المدينة*
زینب صوتت يحسين يبن أمي على هونك
اشوفك عالسفر عازم وين تريد بضعونك
ــــــــــــــــــــــــــــــــــــــ
وين اتريد بضعونك أشوفك عالسفر عازم
وشوف اباب ديوانك تتباشر بني هاشم
سفرت خير مبروكه عسه تروح وترد سالم
الله بسفرتك يرعاك
يبن امي النصر وياك
ماني معارضه ابمسواك
انت الترشد الوادم وما يحوج يرشدونك
ــــــــــــــــــــــــــــــــــــــ
ماني معارضة بمسراك توكل راشده نيتك
وخل كل خوتك وياك تمشي وكل اهل بيتك
لاچن يا فخرهاشم تدري الياسبب جيتك
اجيت اعرف شني گصدك
ترحل عن وطن جدك
دارك تضل من بعدك
مضلمه بهاي وفادك ماظنهم يعذرونك
ــــــــــــــــــــــــــــــــــــــ
حگها ام الخدر زینب ولها وعالسفر تنشد
وتخاف على ولياها عن الوطن من تبعد
من تطلع وي الوليان من يثرب ابيش ترد
صاحت وين اخوي حسين
باصرني ينور العين
وجه اضعونه لا وين
ارد اعرف سبب مسراك عن يثرب ومضمونك
ــــــــــــــــــــــــــــــــــــــ
اخبرچ كال يا زینب عن هالسفر والاسباب
اجتنه امن العراگ طروش وي اثنعش الف كتاب
كلها امبايعه النه وكلهم يدعون أحباب
بختي واعلنت مسراي
ليهم وخوتي وياي
صاحت یا وسیع الراي
خافن من تصل ليهم عن اختك يفرجونك
ــــــــــــــــــــــــــــــــــــــ
بعد والثانية يحسين اريد بهالسفر والي
يبختني على ها لمسوه وطول الدرب يبرالي
بالعراگ الفراك يصير يبن امي ايتراوالي
أبي حارس وسع رايه
على راسي ينشر الرايه
يروح اويرد ويايه
وما يحتاج يبن امي بخدر اختك يوصونك
ــــــــــــــــــــــــــــــــــــــ
سمعها وكال يا زينب چفيل انچانچ تريدين
يزينب هذا ابوفاضل عودچ عينه تعيين
اهو يتكلف المسره یختي ابهاي شتكولين
ولن عباس اجه مسرع
لخته ونور وجهه يشع
باسم مطوس ومدرع
هلابك نادته بالكون هذا انت اليهابونك
ــــــــــــــــــــــــــــــــــــــ
يزينب صاح ابوفاضل انه اتكلف المسره
وانه الثايتج حماي وانه الخدر بيه ادره
لضحي ابمهجتي دونج يبت الطاهرة الزهره
بعد المن تريدوني
هم انه ويوصوني
علی خدرج لتلف عيون
وزینب سمعته وصاحت عساها سالمه عيونك
ــــــــــــــــــــــــــــــــــــــ
عساها سالمه عيونك وانت من الخطر تسلم
وماغيرك يبوفاضل حنين وبالخدر يهتم
لاچن يابدر عدنان لا تنسى الگلب يعلم
وحس بالخطر دلالي
وجن الكدر يبرالي
أحط ايدي علي يا والي
من أوصل لوادي الطف وعني من يغيبونك
ــــــــــــــــــــــــــــــــــــــ
ابوفاضل يره زينب متوجله وصاح بصوت
مايكدر يغيبني عن خدمتچ غير الموت
اومن شأن الزلم يختي يوهو تخت يونابوت
وانه الخدمتچ مضخور
يختي وللخدر ناطور
وحك ضلع امچ المكسور
طلعنه وصحت عيني وچفيني بلخدر دونك
*المرحوم الحاج مُعين السباك*
*#اللهم_عجل_لوليك_الفرج*
تعليقات
إرسال تعليق