كعدوا الولد خلوني امشطه_الشاعر علي مالك الموسوي مكتوبة
كعدو الولد خلوني امشطه
غريضاتك معطره بجنطه
وقاطك خنك روحه بل ربطه
مو خدي كلبي عله ابني اخرطه
كعدو الولد لاذب عباتي
المطروح بل تابوت اغاتي
تندهونه لو لمن خواتي
ويتوزرن هنه وبناتي
كعدو الولد خي شيل شوفه
خي كلي يمه وعادي اعوفه
تعيبان خن عصر جفوفه
بتابوت ماتنحط مشوفه
كعدو الولد هم يالله يكوم
كلش ثكيل اوليدي بل نوم
بيه مطر ومحزم غيوم
هو الجبد مثلوم مثلوم
كعدو الولد وصلت لحدهه
كلوله راح تشك جلدهه
بعد امك ..امك جاه شعدهه
ياخذهه دولاب ويردهه
شاهد قصيدة اخرى مكتوبة👇👇
تعليقات
إرسال تعليق