📜 القصيدة: هل محرم
🎤 أداء: مسلم الوائلي
🖋 كلمات: محمود الموسوي
~~~~
غيرة موالين .. خدام الحسين
لو هل محرم عالطم نركض مجانين
~~~
بسم الله بدينه .. خدام واجينه
يحسين هاي ادينه .. تلطم للمنيه
خدام بينه غيره .. ما عفنه الشعيره
رايتنه الجبيره .. خدام الزجيه
علگنه السواد وجبنه رايات
مو بالبيت بحسينيتك انبات
عشگ من البدايه
تعلمنه العشگ من عين عباس
محلاته اللطم لو صار عالراس
مراجل عدنه هايه
شدينه الحزام .. بالغيره خدام
خلوا المجالس واللطم يوصل للخيام
~~~
كل بيت عنده عاده .. لو علگ سواده
يخدمكم يساده .. من ينصب مجالس
بالسبعه الكواكب .. تنصبلك مواكب
بالحب گلبه ذايب .. وهواي عدنه عابس
باجر مجلسك فوگ السماوات
جبرائيل يحضر بالعزاءات
مجلس عدنه باجر
ربك خالق بحبك مجانين
لون الدنيه احمر صار يحسين
لأن گرب العاشر
كل موكب يصيح .. خل تلطم الريح
وحسين يستاهل لطم نلطمله ونطيح
~~~
يا جف الاريده .. من تسمع قصيده
بالبيت الاعيده .. صدرك بي علامه
هنيالك يخادم .. تلطم عالهواشم
لضعون الفواطم .. لحسين وخيامه
شد حيلك يخادم هاي الأيام
اصعد فوگ بيتك شد الاعلام
ونويها الزياره
لا تبرد وشد عصابه عالراس
محله الخدمه هاي امطرزه احساس
بصدور الغياره
يا دمعة العين .. طيحي اعله الحسين
يا روحي كون بمجلس حسينج تموتين
~~~
من زغري هويتك .. يحسين وبجيتك
عاشور واجيتك .. اخدملك يغالي
كل عاشگ سبيله .. بالخدمه اندعيله
ويلتم ليله ليله .. عاشور اعله بالي
الطم واللطم واجب عالصدور
واحله ايام عمري ايام عاشور
والخدمه امنياتي
يحسين انه احبك واعرف شبيك
شلي بعمري اذا ما الطم عليك
وما تسوه حياتي
كل عمري منذور .. الأيام عاشور
محله المجالس واللطم لو كل سنه يدور
~~~
محلاها من الگلوب .. غيرتهم يمحبوب
كون العاشگ يذوب .. من يذكر حبيبه
عابس احله مجنون .. هنيال اليخدمون
شايل هم عطر جون .. بالخدمه العجيبه
هاي الخدمه بيها اسرار يا ناس
واليخدم حسين يحبه عباس
عطر الخوه شاله
والخدمه احساب خوه تريد وفاي
وعباس المثال الما شرب ماي
ذب روحه ابداله
خدمتنه عنوان .. واللطم نيشان
والخادم اليعطش صدگ لحسين عطشان
°°°°°°°°°°°°°°°°°°°°°°°°°°°°°°°°°°
تعليقات
إرسال تعليق