االشك والغيرة
الشك عندج طبع والغيره حرفه
اضنها وياج ما ترسى اعله ضفه
وحقج انتي انتي وما تتغيرين
الميت ميتي يا عمي وعرفه
استجواب من الصبح لليل والتحقيق موزون ومقفه
الوووو ... هسه انته وين ومتجه وين
ها مخنوك وتريد اتنفه
يعني الوحدك لو احد ووياك
منية اقصد منو الاكاك صدفه
اي وديلي صوره شلابس اليوم
حلو وجماله كاشخ هي زفه
وشدعوه قميصك هيج مفتوح
لا تاخذ برد يمعود ادفه
قبل شويه خطك جان مشغول بيمن ياترى بيا مستخفه
اسكتي الخاطر الله لا تكملين
اجاوزتي وحجيتي حجايه كلفه
الحجيه عالخط جانت ووياي لو رقم امي هم تردين احذفه
وج خليني ساكت ترى الوهواس
دمرني ويدك براسي دفه
منو السلم عليج وانا وياج
شو مخبوص ويباوع بلهفه
خيتي وخيتي جلب شنو الموضوع
ادري منين اخيج عرفه ولفه
يسولف بالاخوه يشوفني اندار
بعيونه اكل ياكل الشفه
ترى النظرات تشتم تحظن تبوس تحوي الماكدر يحويها جفه
سلملي اعله خوتك يابو الخوان متفكد خواتك كون احلفه
اامنلي بشر انه الشمس هاي مرات اعتقد ما عدها عفه
من تطلع عليج تفطن الناس هوه الترف ينظم انتي ترفه
وهمزين الشعر ملفوف بالشال كبل لف الغشيم الما يلفه
انتبهي وديري بالج وانتي بالبيت
بعد ممنوع رجليج اتحفه
وصلت المرحله ما اثق بالكاع
احس حتى التراب عيونه صلفه
حقج ما الومج من تغارين
وحقي من اخذج وسكن بمنفه
اثاري الما يحاسب ولفه ويغار
جذب رب الجذب ما يحب ولفه
تعليقات
إرسال تعليق