يوم الغدير يصلي برحابك
كل گلب يهتف ياعلي ابابك
نهتف يحيدر علي.. ماعدنه غيرك ولي
كل گلب يهتف ياعلي ابابك
گلب المحب والنجف.. بسمك يحيدر هتف
حبك بدورة دمانا يسري ياحيدر
بيك العقل مااختلف.. جفك ابد مارجف
والك تشهد يالصميده واقعة خيبر
ملاويه جف القدر.. جيش اعله جفك عبر
كل گلب يهتف ياعلي ابابك
خيبر من فقارك شافت الموت
وحتى الباب شردت يابو الحسين
وقلعت الباب وحدك محد اوياك
والحيطان لاذت بالحياطين
نحبك يحامي الحمه.. حب النبي لفاطمه
ابد حبك مانعوفه ويشهد اعلينه
ياعلي ورب السمه نوقع الك بالدمه
وغير شخصك مانريده وانت والينه
بلغنه سيد الرسل.. مايصح مثلك رجل
كل گلب يهتف ياعلي ابابك
..........
محبتك من جهنم فاطمتنه
وشملتنه بكرمها فاطمتنه
نحبك حب نبينه لفاطمتنه
ومحبة فاطمه لسيد البريه
.............
لاجلك نضحي العمر.. يالعلمتنه الصبر
علمتنه شلون نحجي وننقل افكارك
بين عليك الفقر.. مثل الشمس بالفجر
وما قبلت الفقر مره يبين بجارك
رغم اعله طولك جرح.. تفطر بخبز وملح
كل گلب يهتف ياعلي ابابك
..........
علي انت وسر محمدنه تراباك
وگبل لا تنـولد طــه تـرابــاك
ابو تراب انت والوادم تراباك
وتردلك كلها ياحامي الحميه
..........
كليب للرادود المبدع احمد الفتلاوي ـ كلمات الشاعر المبدع علي المياحي ـ تصوير ومونتاج ضياء النجفي ـ من انتاج مؤسسة فدك الحسينية ـ النجف الاشرف ـ 1429هـ
تعليقات
إرسال تعليق