📜 القصيدة: هله بالحاج والسيد
🎤 أداء: مسلم الوائلي
🖋 كلمات: سعد عواد الهدابي
~~
هله بهالشیبه یا مولاي
هله بخطواتک الحلوه
صاحت کربله بملگاك
تگوه اعله التعب تگوه
~~~
هله بالحاج والسید هله بکلهن عناوینک
هله بالقافله من الراس لحد اخر نساوینک
الوادم حسدتك یحسین
محد عنده سبعینك
تاج الروسهم شالوك
یالشایلهم ابعینك
الیلاگیکم یدنگ الراس
ابديها بعلي وعباس
غیرانه القوافل ذیچ
محد عنده مثلك ناس
~
گطع حجه و دعائه وجاي عربي وشالته النخوه
ما عافوك تتهنه وجیت الکربله گوه
هنا تكمل مراسیمك
من توگف عله الخوه
الصفا تمشیها للشاطي
وترد للخیمه بالمروه
هنانه اتکمل المعروف
هنا حول الخیام اتطوف
هنا انته الذي توگف
والتفتر علیك اسیوف
~~~~
صفنت الغیوم عليك مسیرك ورد للهیمه
نست موعدها ما مطرت مشت ویاك جم غیمه
حلفت للطف توصلك
فهمت عطشك وضیمه
الماي الما یصب لحسین
فاهي وما اله قيمه
حته طیور اجت فوگاك
عاجبها المسیر ویاك
کل گاع الیطبها حسین
تصیحلك علي ویاك
~~~~
شحلات القافله بيكم ضواکم تارس الصحره
الشمال ایطگ جفافیکم وترف ويه الهوه الخضره
غربه احنه وتوفقنه
شحال وامکم الزهره
شکثر ذبت وراکم ماي
ما خلت ولا گطره
حسین الماي ولله الماي
لو ماخذ ویاك اهواي
تره اهناك النهار تخون
ما توگف اویه الوفاي
~~
مبینه عیونك الحمره باجي هواي من ودع
عن لا ینفضح دمعه ما تانه الشمس تطلع
اخذ کلشي الیحبه ویاه
یدري بروحه ما یرجع
شکثر تانه العلیله اتطیب
بس الدنیه ما تقنع
یردلها ویلزمونه
یشیل بنیته بعیونه
خیعونه الیروح ویاك
والیبجیك خیعونه
°°°°°°
تعليقات
إرسال تعليق